FRÍ hefur tekið saman nýtt leiðbeiningaskjal fyrir félög og mótshaldara við að stofna, setja upp og halda frjálsíþróttamót. Markmiðið er að gera ferlið skýrara, minnka líkur á algengum mistökum og tryggja að mót skili sér rétt í úrslitum og afrekaskrá.
Hægt er að finna leiðbeiningarnar hér
Hvað er í leiðbeiningunum
Leiðbeiningarnar fara í gegnum helstu skrefin í Roster.
- Aðgangsstýringar og hverju félög þurfa að hafa aðgang að
- Hvað þarf að fylla út svo mót sé rétt stillt
- Uppsetning greina
- Startlistar, brautarskipan, prentun á startlistum og skráningarskjölum
- Úthlutun númera
og margt fleira.
Gott að vita
Leiðbeiningaskjalið er í stöðugri þróun og verður uppfært eftir því sem ábendingar og spurningar berast. Ef þig vantar eitthvað inn, eða þú rekst á atriði sem mætti skýra betur, má senda ábendingar á skrifstofa@fri.is.
Aðgangur
Félög geta sótt um aðgang sem mótshaldari með því að senda nafn á félagi/mótshaldara og netfang þess sem á að fá aðganginn á support@rosterathletics.com, hægt er að fá fleiri en einn aðgang.