Meistaramót Íslands í fjölþraut og Meistaramót Íslands í eldri aldursflokkum fara fram 14.–15. febrúar í Kaplakrika milli 09:00 og 14:00. Um er að ræða sannkallaða fjölþrautahelgi þar sem mikið er í gangi á sama tíma og stigakeppnin getur sveiflast hratt milli greina .
Dagskrá og úrslit má finna hér fyrir neðan og á Roster Athletics;
Meistaramót Íslands í fjölþrautum
Meistaramót íslands í eldri aldursflokkum
Sigurvegarar í fyrra í fjölþrautum
Keppnin í fyrra var æsispennandi og bauð upp á margar persónulegar bætingar. Sigurvegarar voru:
Fimmtarþraut pilta (14-15 ára): Dagur Pálmi Ingólfsson (UFA) – 2556 stig.
Sjöþraut pilta (16-17 ára, 5kg kúla): Hjálmar Vilhelm Rúnarsson (HSK) – 4445 stig.
Sjöþraut karla: Birnir Vagn Finnsson (UFA) – 4343 stig.
Fimmtarþraut stúlkna (13-15 ára, 76 cm grind): Anna Metta Óskarsdóttir (HSK) – 3041 stig.
Fimmtarþraut stúlkna (16-17 ára, 76cm grind): Helga Fjóla Erlendsdóttir (Garpur) – 3086 stig.
Fimmtarþraut stúlkna (18-19 ára): Ísold Sævarsdóttir (FH) – 3787 stig.
Fimmtarþraut kvenna: Fjóla Signý Hannesdóttir (HSK) – 2740 stig.
Sigurvegarar í fyrra í eldri aldursflokkum
FH var sigursælasta félagið í fyrra með 51 verðlaun (29 gull, 15 silfur og 7 brons). UFA og ÍR fylgdu þar á eftir.
Besti árangur samkvæmt WMA-prósentu var hún Anna Sofia Rappich (UFA) í 60 m hlaupi kvenna 60–64 ára en hún hljóp á frábærum tíma, 8,96 sekúndum. Það gefur 98,55% en yfir 90% telst árangur á heimsmælikvarða og í fyrra náðu þrír keppendur þeim viðmiðum:
98,55% Anna Sofia Rappich (UFA) – 60m hlaupi kvenna 60 til 64 ára og hljóp á 8,96.
91,79% Fríða Rún Þórðardóttir (ÍR) – 3000 m hlaupi kvenna 50 til 54 ára og hljóp á 11:15,10.
91,27% Ágúst Bergur Kárason (UFA) – 60 m hlaupi karla 50til 54 ára og hljóp á 8,02.
Það verður spennandi að sjá hvaða keppendur og félög setja tóninn í ár og hvort við fáum aftur frammistöður á þessum heimsmælikvarða.