VAKTIN
Guðrún Karítas endar í 12. Sæti
Guðrún Karítas Hallgrímsdóttir keppti í fyrsta sinn í úrslitum stórmóts þegar hún endaði í 12. sæti í sleggjukasti á EM í Birmingham með kast upp á 67,24 m. Fyrstu tvö köstin voru ógild og þrátt fyrir vonbrigði tekur hún mikilvæga reynslu með sér úr sínum fyrstu stórmótsúrslitum.
Kastsería
x – x – 67,24
Hilmar Örn í 7. Sæti !
Hilmar Örn náði top átta árangri eða sjöunda sæti þegar hann kastaði 77,26 m í Birmingham í dag. Hann er fyrsti íslendingurinn í yfir 20 ár til að ná þeim árangri. Hilmar átti flott fyrsta kast, kast sem fór lengra en hann bjóst við, síðan í öðru kasti sínu kemur besta kast hans. Hilmar nefndi þó að hann skildi örlítið eftir á brautinni og finnst eiga meira inni, samt sem áður ótrúlega flottur árangur hjá sleggjukastaranum!
Ungverjinn Bence Halasz tók gullið á EM en hann kastaði 84,25 m og er það lengsta kast í heimi í ár, sem undirstrikar hversu sterk keppni var hér í dag.
Kastsería
74,38 – 77,26 – x – 76,89 – x – x
Guðni kastar 57,79 m og endar í 20. Sæti
Guðni Valur lauk keppni í kringlukasti á EM í Birmingham í 20. Sæti með kast upp á 57,79 m.
Guðni sem á 63,04 m á tímabilinu, náði sínu legnsta kasti í annarri umferð. Fyrsta kastið var ógilt og í þriðju og síðustu umferð fór besta kastið í netið
Guðni, sem kom inn í mótið í 21. sæti á ranking lista klifrar upp um 1 sæti á mótinu.
Kastsería
x – 57,79 – x
Guðrún Karítas komin í úrslit!
Guðrún Karítas er sjötta inn í úrslit eftir að hafa kastað 70,31 m í fyrsta kastinu sínu!
Fyrir keppni var hún nr. 7 á ranking lista svo hún klifraði upp um eitt sæti.
Úrslitin fara fram miðvikudaginn 12. ágúst kl 18:45
Kastsería
70,31 – 69,70 – 66,15
Elísabet sjötta í A-riðli með kast upp á 67,50 m
Elísabet keppti í A riðli í sleggjukasti kvenna þegar hún kastaði 67,50 m og situr í 6. Sæti. Elísabet kemst því miður ekki í úrslit en hún endar í 14. sæti.
67.33 – 67.50 – x
Hilmar kominn í úrslit með sjöunda besta kast 76,63 m !!
Hilmar hóf keppnina með kast upp á 73,13 m, og annað kast upp á 73,44 m. Þá var hann í fimmta sæti og ekki gott útlit á að komast í úrslit. Hilmar átti síðan ótrúlega flott þriðja kast þegar hann kastaði 76,63m og endaði í 3. Sæti í A riðli og 7. Sæti í heildina. Fyrir keppni va Hilmar í 13. Sæti á ranking lista, svo að komast inn í úrslit og klifra upp um 6. sæti er frábær árangur. Hilmar keppir í úrslitum á morgun, Þriðjudag kl 18:10
Kastsería
73.13 – 73.44 – 76.63
Erna Sóley hefur lokið keppni í kúluvarpi
Erna hefur lokið keppni í kúluvarpi en hún kastaði 15,72 m og endaði í 22. Sæti. Erna komst inn á mótið með 18 sæti á ranking lista, með besta kast tímabils upp á 17.09 m.
Átta íslenskir keppendur verða meðal 1.643 keppenda frá 49 þjóðum á Evrópumeistaramótinu í frjálsíþróttum sem fer fram í Birmingham dagana 10.–16. ágúst. Sýnt verður frá mótinu í beinni á RÚV.
Íslenska liðið samanstendur af sex kösturum og tveimur langhlaupurum. Hópurinn er jafn fjölmennur og íslenska liðið á EM í Róm árið 2024, þegar átta Íslendingar kepptu á mótinu og hópurinn var sá fjölmennasti frá Íslandi á EM í 66 ár.
Alls eru 840 karlar og 803 konur skráð til keppni í Birmingham.
Íslenski hópurinn kemur til Birmingham eftir sterkt keppnistímabil. Fjórir keppendur hafa sett eða jafnað Íslandsmet á árinu.
Hægt er að finna myndir af mótinu hér