VIKAN: Tvö Íslandsmet til viðbótar

Erna Sóley varð í gær svæðismeistari á nýju Íslandsmeti. Eitt Íslandsmet og þrjú mótsmet voru sett á Meistaramóti Íslands innanhúss og voru það FH-ingar sem urðu Íslandsmeistarar félagsliða. Iceland Masters Open hefst á föstudag.

Erna Sóley Gunnarsdóttir (ÍR) varð í kvöld svæðismeistari á nýju Íslandsmeti í kúluvarpi kvenna innanhúss. Lengsta kastið kom í þriðju umferð og mældist það 17,92 metrar. Hún bætti því eigið Íslandsmet um 22 sentímetra og er þetta í þriðja skiptið sem hún bætir Íslandsmetið innanhúss í ár. Íslandsmetið hennar utanhúss er 17.29 metrar. Svæðismeistaramótið (Conference USA Indoor Championships) fór fram í Birmingham, Alabama og er þetta þriðja árið í röð sem hún vinnur titilinn innanhúss. Hún hefur unnið hann tvisvar utanhúss, árin 2019 og 2022.

Daníel Ingi Egilsson (FH) stórbætti á laugardag tólf ára gamalt Íslandsmet í þrístökki karla á Meistaramóti Íslands. Daní­el stökk lengst 15,49 metra og stórbætti þar með Íslandsmet Krist­ins Torfa­son­ar frá ár­inu 2011. Metið var áður 15,27 metr­ar. Hann varð svo einnig Íslandsmeistari í langstökki með stökki upp á 7,23 metra en hann er búinn að stökkva lengst 7,35 metra í ár sem er hans persónulegi besti árangur.

Irma Gunnarsdóttir (FH) var hársbreidd frá Íslandsmetinu sínu í þrístökki kvenna þegar hún sigraði á nýju mótsmeti. Hún stökk lengst 13,34 metra en metið hennar í greininni er 13,36 metrar.

Það var lið FH sem urðu Íslandsmetistar félagsliða en þau sigruðu bæði karla og kvenna flokkinn. Þau hlutu alls 64 stig. Í öðru sæti var lið ÍR með 30 stig lið HSK/Selfoss var í því þriðja með 19 stig.

Hægt er að lesa meira um Meistaramótið hér.

Iceland Masters Open um helgina

Um helgina, dagana 24.-26. febrúar fer fram Iceland Master Open / Norðurlandameistaramót Masters í Laugardalshöll og eru um 250 keppendur skráðir til leiks frá þrettán þjóðum. Mótið er bæði Norðurlandameistaramót sem og opið mót fyrir aðrar þjóðir.

Heimsíða mótsins má finna hér.

Mótin framundan