MÍ í 5 km götuhlaupi og Víðavangshlaup ÍR
Á sumardaginn fyrsta fór fram fyrsta hlaup sumarsins, MÍ í 5 km götuhlaupi samhliða Víðavangshlaupi ÍR. Það voru þau Þorsteinn Roy Jóhannsson (FH) og Andrea Kolbeinsdóttir (ÍR) sem að urðu Íslandsmeistarar í karla og kvenna flokki. Þorsteinn hljóp á 15:24 mín. og Andrea á 16:39 mín. sem er annar besti tími kvenna frá upphafi. Sjálf á hún Íslandsmetið.
Hægt er að lesa nánar um hlaupið hér.
Hægt að lesa nánar um Íslandsmeistara í aldursflokkum hér.
Vormaraþon félags maraþonhlaupara
Um helgina fór fram Vormaraþon félags Maraþonhlaupara. Þetta er fyrsta FRÍ vottaða maraþon ársins. Kári Steinn Karlsson (FH) sigraði í heilu maraþoni og hljóp á tímanum 2:39:22 klst. Í kvennaflokki var það Hafdís Guðrún Hilmarsdóttir (Fjallahlaup) sem kom fyrst í mark á tímanum 3:31:28 klst. Í hálfu maraþoni varð Sigurjón Ernir Sturluson (FH) hlutskarpastur á tímanum 1:18:08 klst. og í kvennaflokki var það Helga Guðný Elíasdóttir (ÍR) sem kom fyrst í mark á tímanum 1:27:55 klst.
Hægt er að skoða úrslit hlaupsins hér.
Texas Invitational
Um helgna keppti Elísabet Rut Rúnarsdóttir (ÍR) á Texas invitational. Hún kastaði sleggjunni 70,04 m. og sigraði með því sleggjukast kvenna. Elísabet bætti eigið Íslandsmet fyrir u.þ.b. mánuði síðan á Bobcat Invitational. Íslandsmet hennar er 70,33 m.
Úrslit Texas Invitational má finna hér.
Næstu mót
| Dagsetning | Mót | Staður |
|---|---|---|
| 29.-30. apríl | Reykjavíkurmót 11-14 ára | Laugardalshöll |
| 29. apríl | RUB 23 hlaupaáskorun UFA | Þórsvöllur |
| 29. apríl | Spjótkastmót FH | Kaplakriki |
| 6. maí | RUB 23 Brautaráskorun UFA | Þórsvöllur |
| 9. maí | Fjölnishlaup Olís | Grafarvogur |