VIKAN: Flottur árangur í Bandaríkjunum

Baldvin Þór

VIKAN: Flottur árangur í Bandaríkjunum

Baldvin Þór Magnússon (UFA) hljóp á laugardag á besta tíma Íslendings frá upphafi í míluhlaupi innanhúss á Meyo Invitational mótinu í Notre Dame, Indiana. Hann kom fyrstur í mark á tímanum 3:58.08 mín. og er þetta í fyrsta sinn sem hann hleypur undir fjórar mínútur. Þar sem hlaupið fór fram á 300 metra braut telst það ekki sem Íslandsmet. 

https://www.instagram.com/p/CZpWqiKvJ3d/?utm_medium=copy_link

Guðrún Karítas Hallgrímsdóttir (ÍR) setti aldursflokkamet í 20-22 ára flokki í lóðkasti á Doc Hale Virginia Tech Elite mótinu í Blacksburg, Virginia um helgina. Þetta er einnig annað lengsta kast frá upphafi í lóðkasti kvenna en það er Vigdís Jónsdóttir sem á Íslandsmetið í greininni, 18,18 metrar. Það verður spennandi að sjá hvort Elísabet Rut Rúnarsdóttir (ÍR) nái að bæta aldursflokka- og Íslandsmetið í greininni þar sem hún keppir í lóðkasti á Norðurlandameistaramótinu sem fram fer í Uppsala í Svíþjóð um helgina. Þetta verður í fyrsta sinn sem keppt er í lóðkasti á þessu móti og einnig frumraun Elísabetar í greininni.

https://www.instagram.com/reel/CZrmge6gRaD/?utm_medium=copy_link

Erna Sóley Gunnarsdóttir (ÍR) keppti einnig um helgina og hafnaði í öðru sæti í kúluvarpi á Charlie Thomas Invitational mótinu í Texas í gær. Hún varpaði kúlunni 16.31 metra en Íslandsmet hennar í greininni er 16,95 metrar. 

Hin unga og efnilega Freyja Nótt Andradóttir (FH) bætti eigið aldursflokkamet í 60 metra hlaupi í 12 og 13 ára flokki er hún sigraði á Reykjavík International Games í U16 ára hlaupi stúlkna á tímanum 8,06 sek. Freyja Nótt er aðeins 12 ára gömul og er búin að hlaupa á sjötta hraðasta tíma kvenna í ár. 

Á morgun keppir Hlynur Andrésson (ÍR) í 3000 metra hlaupi á Míting Internacional de Catalunya en Pista Coberta í Sabadell á Spáni. Hann ætlar að freista þess að ná lágmarki á HM innanhúss sem fram fer í Belgrade í Serbíu í mars. Lágmarkið er 7:50,00 mín. og á hann best 7:54,72 mín (utanhúss). 

Penni

2

min lestur

Deila

Boðsmótið Selfoss Classic - 75 ára afmælismót FRÍ hefst á morgun, laugardaginn 28. maí. Keppin hefst klukkan 12:00 og eru um 90 keppendur skráðir og þar á meðal níu erlendir keppendur. Hápunktur mótsins verður kringlukast karla þar sem ríkjandi heims- og Ólympíumeistari verður á meðal keppenda.
Boðsmótið Selfoss Classic - 75 ára afmælismót FRÍ hefst á morgun, laugardaginn 28. maí. Keppin hefst klukkan 12:00 og eru um 90 keppendur skráðir og þar á meðal níu erlendir keppendur. Hápunktur mótsins verður kringlukast karla þar sem ríkjandi heims- og Ólympíumeistari verður á meðal keppenda.
Þrír Íslendingar kepptu á Hallesche Werfertage í Halle í Þýskalandi. Hilmar Örn Jónsson (FH) sigraði í sleggjukasti með nýjan ársbesta árangur 75,52 metra. Hilmar nálgast lágmörkum á stórmót sumarsins en lágmarkið á EM er 77,00 metrar og á 77,50 metrar á HM.
Baldvin Þór Magnússon (UFA) varð þrefaldur svæðismeistari MAC (Mid-American Conference) um helgina. Á föstudag keppti Baldvin í 10.000 metra hlaupi og kom í mark á tímanum 30:14,23 mín. Það er persónuleg bæting en hann hefur ekki keppt í þessari vegalengsd á braut síðan 2019.

Engjavegi 6, 104 Reykjavík

fri@fri.is  +354 514 4040

Kt 560169-6719

@fri2022

VIKAN: Flottur árangur í Bandaríkjunum

Skrifstofa

Engjavegur 6, 104 Reykjavík

Netfang

fri@fri.is

Sími

+354 514 4040

Dæmi um leit