Vésteinn þjálfari ársins í Svíþjóð

Vé­steinn Haf­steins­son var út­nefnd­ur þjálf­ari árs­ins í Svíþjóð í kjöri sænsku íþrótta­aka­demí­unn­ar í Stokk­hólmi í gær. Þetta var frábært ár hjá Vésteini og hans íþróttafólki. Vésteinn þjálfar meðal annars sænsku kringlukastarana Daniel Ståhl og Simon Pettersson en Ståhl varð Ólympíumeistari í kringlukasti í Tókýó og Petterson vann silfrið. Ståhl átti frábært tímabil en hann vann 19 af þeim 20 mót­um sem hann tók þátt í á síðasta ári. Þetta eina sem hann vann ekki vann Pettersson. Vésteinn þjálfar einnig kúluvarparann Fanny Roos, sem setti sænskt met á árinu, og Marcus Thomsen, sem setti norskt met í kúluvarpi á árinu.

Innilega til hamingju Vésteinn!