Sindri Hrafn Guðmundsson hefur lokið keppni í spjótkast á EM. Sindri Hrafn Guðmundsson endaði í 20. sæti af 28 keppendum og komst því ekki áfram í úrslit. Efstu 12 keppendurnir fóru áfram og hefði hann þurft að kasta lengra en 79,74 metra til að komast áfram.
Sindri kastaði lengst 74,91 metra í annarri tilraun. Í fyrstu tilraun kastaði hann 72,40 metra og svo 74,13 metra í þriðju og lokatilraun sinni.
Perónulegt met Sindra er 80,91 metrar sem hann setti á alþjóðlegu móti í Jena í Þýskalandi í lok júní, sú vegalengd hefði skilað honum 9. sæti í undankeppninni í dag.
Þetta var fyrst stórmót Sindra í fullorðnisflokki og því dýrmæt reynsla sem hann hefur öðlast. Fyrir mótið höfðu 23 keppendur kastað lengra en Sindri á árinu svo 20. sæti á EM flottur árangur.
