Ný dagsetning fyrir Meistaramót Íslands utanhúss

Meistaramót Íslands utanhúss mun fara fram helgina 25.-26. júlí á Kópavogsvelli. Mótið átti að fara fram 27.-28. júní og átti að vera síðasta mótið hér á landi til að vinna sér inn stig eða ná lágmarki í Ólympíuleikana í Tokyo, Japan. En þar sem Ólympíuleikunum var frestað vegna COVID-19 og íþróttamenn jafnvel ekki getað æft af fullum krafti var ákveðið á færa mótið fram í lok júlí. 

Þar sem öllum erlendu mótum sumarsins var aflýst eða frestað þá má segja að þetta sé stærsta mót margra íþróttamanna á árinu. Allt okkar fremsta frjálsíþróttafólk mun taka þátt og eru FRÍ og mótshaldarar að vinna að því að gera mótið að glæsilegum viðburði.

Nú er búið að staðfesta dagsetningar á öllum mótum hérlendis, hægt er að sjá þær á viðburðadagatalinu hér til hliðar.