Heimsmeistaramótið 2023 fer fram í Búdapest dagana 19.-27. ágúst og hefur Alþjóðasambandið (WA) birt lágmörk og lágmarkakerfið fyrir mótið. Eins og áður geta íþróttamenn fengið þátttökurétt á mótið með lágmarki eða stöðu á WA ranking stigalista.
Lágmarkatímabilið fyrir maraþonið byrjaði 1. desember 2021 og er til 30. maí 2023. Fyrir 10.000m og fjölþraut er lágmarkatímabilið frá 31. janúar 2022 til 30. júlí 2023. Aðrar greinar eru með lágmarkatímabil frá 31. júlí 2022 til 30. júlí 2023.
Nú verður hægt að ná lágmarki í 1500m með því að keppa í mílu, þá bæði á götu og braut. Einnig er möguleiki á að öðlast þátttökurétt í 5.000m og 10.000m með því að ná lágmarki í 5km og 10km götuhlaupi.
Fjöldi keppenda í sumum greinum hefur verið breytt frá því í ár. Í tæknigreinum hefur til dæmis verið fjölgað frá 32 keppendum í 36.
Lágmörk á HM 2023:
| Men | Event | Women | TN |
|---|---|---|---|
| 10.00 | 100m | 11.08 | 48 |
| 20.16 | 200m | 22.60 | 48 |
| 45.00 | 400m | 51.00 | 48 |
| 1:44.70 | 800m | 1:59.80 | 56 |
| 3:34.20 (3:51.00/3:51) | 1500m (mile standard) | 4:03.50 (4:22.00/4:22) | 56 |
| 13:07.00 / 13:07 | 5000m / 5km road | 14:57.00 / 14:57 | 42 |
| 27:10.00 / 27:10 | 10.000m / 10km road | 30:40.00 / 30:40 | 27 |
| 2:09:40 | Marathon | 2:28:00 | 100 |
| 8:15.00 | 3000m SC | 9:23.00 | 36 |
| 13.28 | 110m H / 100m H | 12.78 | 40 |
| 48.70 | 400m H | 54,90 | 40 |
| 2.32 | High Jump | 1,97 | 36 |
| 5,81 | Pole Vault | 4,71 | 36 |
| 8,25 | Long Jump | 6,85 | 36 |
| 17,20 | Triple Jump | 14,52 | 36 |
| 21,40 | Shot Put | 18,80 | 36 |
| 67,00 | Discus Throw | 64,20 | 36 |
| 78,00 | Hammer throw | 73,60 | 36 |
| 85,20 | Javelin Throw | 63,80 | 36 |
| NA | Heptathlon | 6,480 | 36 |
| 8,460 | Decathlon | NA | 36 |
| 1:20:10 | 20km Race Walk | 1:29:20 | 50 |
| 2:29:40 | 35km Race Walk | 2:51:30 | 50 |
| Top 12 at WRE + 4 from Top Lists | 4x100m | Top 12 at WRE + 4 from Top Lists | 16 |
| Top 12 at WRE + 4 from Top Lists | 4x400m | Top 12 at WRE + 4 from Top Lists | 16 |
| Top 12 at WRE + 4 from Top Lists | 4x400m mixed | Top 12 at WRE + 4 from Top Lists | 16 |
*TN = target number
Hér má finna nánari upplýsingar um lágmarkakerfið fyrir HM 2023.
Nýjar dagsetningar fyrir EM og EM U20
Evrópusambandið (EAA) hefur ákveðið að færa Evrópumeistaramótið til 7.-12. júní 2024 vegna Ólympíuleika og annara íþróttaviðburða. Mótið verður þá inn í lágmarkatímabilið fyrir Ólympíuleikana sem fara fram í París 26. júlí – 11. ágúst 2024.
Rúmenska frjálsíþróttasambandið hefur beðið um að færa Evrópumeistaramótið U20 sem fer fram í Cluj-Napoca í Rúmeníu á næsta ári þar sem keppnisvöllurinn var ekki laus dagana sem mótið átti að fara fram. Nú er búið að staðfesta að meistaramótið fari fram dagana 6.-9. júlí 2023.