Frá og með 1. janúar 2023 mun ITRA (International Trail Running Association) setja á laggirnar National league eða íslenska deildarkeppni í utanvegahlaupum. Öll íslensk utanvegahlaup sem skrá sig hjá ITRA fyrir árið 2023 eru með í keppninni og allir íslenskir hlauparar.
Keppnin er:
- Opin öllum
- Auðvelt að taka þátt
- Einfaldar reglur
- Kláraðu 3 utanvegahlaup til að vera með
- Hvaða vegalengd sem er
Til að taka þátt í keppninni þarf hlaupari að hlaupa þrjú íslensk utanvegahlaup innan ársins 2023. Hlaupið verður að sjálfsögðu að vera ITRA vottað hlaup. Í dag eru nánast öll utanvegahlaup á Íslandi vottuð sem ITRA hlaup, en við viljum hvetja alla íslenska hlaupahaldara til að endurnýja skráninguna sína fyrir árið 2023 sem allra fyrst. Við skráningu verður hlaupið sjálfkrafa gilt í íslensku deildarkeppnina. Nánari upplýsingar fyrir hlaupahaldara má finna hér. Nánari upplýsingar fyrir hlaupara má finna hér.
Frjálsíþróttasamband Íslands er aðili að ITRA ( International Trail Running Association ). Hér má sjá kynningarmyndband um National league.