Heimsmeistaramótið í utanvegahlaupum hefst í kvöld, föstudagurinn 4. nóv og fer mótið fram í Chiang Mai í Tælandi. Allir sterkustu utanvegahlauparar heims taka þátt í mótinu. Keppt verður í tveimur vegalengdum í fjalllendi Chiang Mai þ.e. 40 km (short trail) og 80 km (long trail) utanvegahlaupi með um það bil 2500 og 5000m hækkun. Íslendingar eiga tíu keppendur á mótinu og er landsliðið gífurlega sterkt þetta árið.
- Andrea Kolbeinsdóttir – 40 km
- Sigþóra Brynja Kristjánsdóttir – 40 km
- Elísabet Margeirsdóttir – 80 km
- Íris Anna Skúladóttir – 40 km
- Rannveig Oddsdóttir – 80 km
- Halldór Hermann Jónsson – 40 km
- Sigurjón Ernir Sturluson – 80 km
- Þorbergur Ingi Jónsson – 80 km
- Þorsteinn Roy Jóhannsson – 80 km
- Þórólfur Ingi Þórsson – 40 km
Árangur undanfarinna ára sýnir að Ísland hefur á að skipa mjög öflugum hlaupurum sem geta veitt þeim allra bestu í heimi verðuga keppni. Andrea Kolbeinsdóttir er til að mynda í áttunda sæti á ranking-lista í 40 km hlaupinu.
80km hlauparar leggja af stað klukkan 23:30 á föstudagskvöld að íslenskum tíma.
40km hlauparar leggja af stað klukkan 00:30 aðfaranótt laugardags að íslenskum tíma.
Það verður streymt frá keppninni og hefst það klukkan 23:00 í kvöld (föstudagurinn 4. nóvember). Hlekkur að streyminu má finna hér.
Úrslit í rauntíma má finna hér.
Ljósmynd: Sigurður Pétur Jóhannsson