Í dag lauk íslenska landsliðið keppni á HM í utanvegahlaupum sem fór fram í Innsbruck-Stubai í Austurríki. Snorri Björnsson og Andrea Kolbeinsdóttir voru með besta árangur Íslendingana á mótinu. Snorri kom 33. í mark á tímanum 11:08:17 klst. í 87km hlaupinu, lengra hlaupinu. Snorri útfærði hlaupið frábærlega og vann sig frá 118. sæti eftir 17,5km upp í 33. sæti. Andrea keppti í 45km hlaupinu eða styttra hlaupinu og kom 35. í mark á tímanum 5:42:14 klst. 164 konur og 185 karlar tóku þátt í styttra hlaupinu og 135 konur og 176 karlar í lengra hlaupinu.
Tíu aðrir íslendingar voru á meðal keppenda og má sjá úrslitin þeirra hér:
45km – Short Trail
- Sigþóra Brynja Kristjánsdóttir | 6:12:19 klst. | 63. sæti
- Anna Berglin Pálmadóttir | 6:17:44 klst. | 66. sæti
- Íris Anna Skúladóttir | 6:23:01 klst. | 71. sæti
- Þorsteinn Roy Jóhannsson | 5:18:26 klst. | 73. sæti
- Jörundur Frímann Jónasson | 5:30:41 klst | 91. sæti
- Halldór Hermann Jónsson | 5:33:05 klst. | 94. sæti
- Arnar Pétursson | DNF
87km – Long Trail
- Halldóra Huld Ingvarsdóttir | 13:41:49 klst. | 43. sæti
- Rannveig Oddsdóttir | 14:18:10 klst. | 57. sæti
- Þorbergur Ingi Jónsson | 12:58:32 klst. | 89. sæti
Heildarúrslit mótsins má finna hér.