Frjálsíþróttaveisla í höllinni

Frjálsíþróttaveisla í höllinni

Reykjavík International Games í frjálsíþróttum fer fram á morgun, sunnudaginn 6. febrúar í Laugardalshöll. Mótið hefst klukkan 12:50 en útsendingu á RÚV hefst klukkan 16:00. Við hvetjum þó alla til þess að mæta á staðinn og fá stemninguna beint í æð. Miðasala er á rig.is.

Kanónur í kúluvarpi

Það má búast við hörku keppni í blönduðu kúluvarpi þar sem karlar og konur keppa saman. Hollendingurinn Sven Poelmann er Hollenskur meistari bæði innan- og utanhúss í greininni og á best 20,22 metra. Kanónurnar Chase Ealey frá Bandaríkjunum og Sophie Mckinna frá Bretlandi eru einnig á meðal keppenda en þær eru báðar í topp tuttugu á heimslista í kúluvarpi. Ealey á best 19,68 metra og hefur hún þrisvar sinnum orðið Bandarískur meistari í greininni. McKinna á best 18,61 metra. Kringlukastarinn Guðni Valur Guðnason verður einnig á meðal keppenda og á hann best 18,81 og er búinn að kasta 18.62 lengst í ár. 

Spennandi sprettir í kvennaflokki

Það verður spennandi að fylgjast með 60 metra hlaupi kvenna þar sem tvær hröðustu konur frá upphafi í greinninni keppa á móti sterkum erlendum keppendum. Íslandsmethafinn í greininni, Guðbjörg Jóna Bjarnadóttir verður á brautinni ásamt æfingafélaga sínum, Tiönu Ósk Whitworth. Íslandsmet Guðbjargar í greininni er 7,43 sek. sem hún bætti í miðjan janúar og hljóp Tiana þá á 7,45 sem er einnig undir fyrra metinu. Þær Naomi Sedney frá Hollandi og Milja Thureson frá Finnlandi verða einnig meðal keppenda í 60 metra hlaupi. Naomi á best 7,22 og hefur unnið til gull- og silfurverðlauna á Evrópumeistaramóti í 4x100m boðhlaupi. Milja á best 7,42 og mun hún einnig taka þátt í 200 og 400m hlaupi. 

Í 200 metra hlaupi er það Guðbjörg sem á besta tímann en hún á best 23,98 sek. innanhúss. Milja á best 24,02 sek. innanhúss og Tiana 24,08 sek. innanhúss. Íslandsmetið í greininni er 23,79 sek. sem Silja Úlfarsdóttir setti árið 2004 en Guðbjörg á sjálf Íslandsmetið utanhúss, 23,45 sek. Það má því búast við spennandi keppni í lokagrein mótsins.

Skemmtilegt einvígi

Í hástökki karla verður spennandi einvígi milli Kristjáns Viggó Sigfinnssonar og Matias Mustonen frá Finnlandi. Kristján á best 2,18 m og hefur stokkið hæst 2,15 metra í ár og Matias á best 2,17 metra. Kristján ætlar að freista þess að ná 2,22m. sem er aldursflokkametið í hans flokki. Hann er nú þegar kominn með lágmark á HM U20 sem fram fer í Cali í Colombiu í byrjun ágúst. 

Efnilegir keppendur í U16 ára 

Í U16 ára piltum er Arnar Logi Brynjarsson skráður til leiks í bæði 60 metra og 600 metra hlaupi. Hann setti nýverið aldusflokkamet í 60 metra hlaupi er hann hljóp á 7,23 sek. sem er tíundi besti tími karla í ár. 

Í stúlkna hlaupinu er það yngsta stúlkan sem á hraðasta tímann. Freyja Nótt Andradóttir, sem er aðeins tólf ára gömul, setti einnig nýverið Íslandsmet í bæði 12 og 13 ára flokki í 60 metra hlaupi er hún hljóp á tímanum 8,09 sek. Það er jafnframt sjötti besti tími kvenna í ár. 

Margir aðrir stórefnilegir keppendur eru skráð til leiks og er framtíðin björt í frjálsum íþróttum.

 

Penni

3

min lestur

Deila

Share on facebook
Share on twitter
Baldvin Þór Magnússon (UFA) varð þrefaldur svæðismeistari MAC (Mid-American Conference) um helgina. Á föstudag keppti Baldvin í 10.000 metra hlaupi og kom í mark á tímanum 30:14,23 mín. Það er persónuleg bæting en hann hefur ekki keppt í þessari vegalengsd á braut síðan 2019.
Baldvin Þór Magnússon (UFA) varð þrefaldur svæðismeistari MAC (Mid-American Conference) um helgina. Á föstudag keppti Baldvin í 10.000 metra hlaupi og kom í mark á tímanum 30:14,23 mín. Það er persónuleg bæting en hann hefur ekki keppt í þessari vegalengsd á braut síðan 2019.
Langhlaupanefnd FRÍ stendur fyrir námskeiði ætlað hlaupaþjálfurum dagana 3. og 5. júní. Leiðbeinandi er Max Boderskov, cand.scient í íþróttum og sérfræðingur í hlaupum og hlaupaþjálfun. Max er höfundur að námskeiðum varðandi hlaupaþjálfun í Danmörku, reynslumikill hlaupari, fyrirlesari og hlaupaþjálfari.
Úthlutað hefur verið úr Afreksjóði FRÍ fyrir árið 2022. Að þessu sinni var úthlutað 12 milljónum á eftirfarandi einstaklinga í þremur flokkum. Hægt er að lesa reglugerð um Afreksjóð FRÍ hér.

Engjavegi 6, 104 Reykjavík

fri@fri.is  +354 514 4040

Kt 560169-6719

@fri2022

Frjálsíþróttaveisla í höllinni

Skrifstofa

Engjavegur 6, 104 Reykjavík

Netfang

fri@fri.is

Sími

+354 514 4040

Dæmi um leit