Daníel Ingi Egilsson stórbætti í dag tólf ára gamalt Íslandsmet í þrístökki karla.
Daníel Ingi stökk lengst 15,49 metra og stórbætti þar með Íslandsmet Kristins Torfasonar frá árinu 2011. Matið var áður 15,27 metrar.
Í fyrsta stökki jafnaði Daníel Ingi mótsmet Kristins, 15,23 metra. Annað stökkið var ógilt en í þriðja stökkinu bætti hann metið með stökki upp á 15,35 metra. Daníel náði öðru glæsilegu stökki í fjórðu umferð, 15,30 metrar. Fimmta stökk hans var dæmt ógilt en í síðustu umferð stórbætti hann Íslandsmetið og mældist stökkið 15,49 metrar.
„Þetta er örugglega besta sería sem ég hef átt í langan tíma. Ég fýlaði mig rosalega vel í dag og fann eftir fyrsta stökkið að kannski væri þetta dagurinn sem ég myndi loksins ná að fara yfir metið,“ sagði Daníel.
Daníel keppir svo í langstökki á morgun klukkan 11:45.
