Baldvin komst inn á NCAA í víðavangshlaupi

Baldvin Þór Magnússon keppti í 10 km víðavangshlaupi á Greates Lakes Regionals sem fór fram í Evansville, Indiana um helgina. Baldvin hafnaði í 18. sæti á tímanum 30:10,6 og fékk hann All-Region honor. Hann þurfti að bíða og sjá hvort að árangur hans myndi duga honum á Bandaríska háskólameistaramótið í víðavangshlaupi sem fer fram næstu helgi. 

NCAA tilkynnti á laugardag keppendalistann fyrir mótið og varð Baldvin eini keppandinn frá Eastern Michigan háskólanum sem öðlaðist þáttökurétt á mótið. 

„Þetta er frábært tækifæri fyrir hann að fá að keppa fyrir Eastern Michigan á stærsta sviðinu. Hann átti gott mót í Flórída fyrr á tímabilinu og sú reynsla ætti að hjálpa honum á laugardaginn,“ sagði Sue Parks yfirþjálfari Eastern Michigan háskólans í viðtali við skólann. 

Úrslit frá mótinu má finna hér.