Hlaupakonan Aníta Hinriksdóttir ÍR keppti í gærkvöldi í undanrásum í 800 m hlaupi kvenna á Heimsmeistaramótinu í London.
Hún kom í mark á tímanum 2:03,45 mínútum og hafnaði í 4. sæti í sínum riðli og í 37. sæti af 45 keppendum í heildina. Charlene Lipsey frá Bandaríkjunum, Hedda Hynne frá Noregi og Docus Ajok frá Úganda náðu þremur efstu sætunum í hennar riðli. Aníta leit mjög vel út allt hlaupið og var ansi nálægt þriðja sætinu eða 47/100 úr sekúndu.
Aníta hefur verið að hlaupa mjög vel í sumar og náði hún sínum besta tíma í 800 m hlaupi á Bislet leikunum í Osló í júní sl. er hún hljóp á tímanum 2:00,05 mínútum og bætti um leið Íslandsmet sitt í greininni.
Við óskum Anítu til hamingju með árangurinn.
