Næstkomandi þriðjudag, 20. maí, fer Lífssporið – styrktarhlaup fram í Fossvogsdalnum í Reykjavík.
Boðið verður upp á 5 km og 10 km FRÍ vottuð hlaup með flögutímatöku, ásamt 3 km göngu/skemmtiskokki án tímatöku.
Hlaupið verður ræst kl. 18 við Braggann í Nauthólsvík en sameiginleg upphitun hefst kl. 17:45 við rásmarkið.
Skráning fer fram á netskraning.is og þar er einnig að finna nánari upplýsingar um hlaupið og þann góða og fallega tilgang sem söfnunarféð fer í.