Vilhjálmur Einarsson 85 ára

Vilhjálmur Einarsson, silfurverðlaunahafi í þrístökki á Ólympíuleikunum í Melbourne árið 1956, er áttatíu og fimm ára í dag.

Vil­hjálm­ur Ein­ars­son vann fyrst­ur Íslend­inga til verðlauna á Ólymp­íu­leikum árið 1956 þegar leik­arn­ir voru haldn­ir í Mel­bour­ne í Ástr­al­íu. Vil­hjálm­ur, sem þá var 22 ára gam­all, setti Ólymp­íu­met í öðru stökki sínu þegar hann sveif 16,26 metra.

Þar með náði hann for­yst­unni í stökkk­eppn­inni og hélt henni í tvo klukku­tíma, eða þar til Adhem­ar Da Silva, 29 ára gam­all Bras­il­íumaður og heims­met­hafi í grein­inni stökk 16,35 metra í sinni fjórðu til­raun og náði gull­verðlaun­un­um og Ólymp­íu­met­inu af Vil­hjálmi. 

Vilhjálmur varð í þriðja sæti á Evrópumeistaramóti í Stokkhólmi árið 1958 og var það næst besti árangur Norðurlandabúa frá upphafi. Á Ólympíuleikunum í Róm árið 1960 keppti Vilhjálmur bæði í langstökki og þrístökki. Hann keppti samt bara í langstökki til að prófa brautina, stökk aðeins tvö stökk og voru þau mæld 6,64 m og 6,76 m. Í þrístökkinu stökk hann lengst 16,37 og lenti í fimmta sæti. Vilhjálmur varð í sjötta sæti á Evrópumeistaramótinu í Belgrad í Júgóslavíu árið 1962 og hætti að keppa eftir það. Vilhjálmur keppti á fjölda annarra móta en þessi fjögur stórmót standa upp úr.

Vilhjálmur er eini íslenski einstaklingurinn sem hefur náð öðru sæti í einstaklingskeppni á Ólympíuleikum.

Frálsíþróttasamband Íslands óskar Silfurmanninum Vilhjálmi Einarssyni innilega til hamingju með daginn.