Viðurkenningar frjálsíþróttafólks á Íþróttahátíð Kópavogs

Á Íþróttahátíð Kópavogs sem haldin var í Kórnum fimmtudaginn 11. janúar sl., fengu þrír frjálsíþróttamenn viðurkenningar fyrir góðan árangur í sínum greinum árið 2017.

Sindri Hrafn Guðmundsson hlaut viðurkenningu í flokki 17 ára og eldri, og í flokki 13-16 ára hlutu þau Birna Kristín Kristjánsdóttir og Hlynur Freyr Karlsson viðurkenningar.

Einnig hlutu Irma Gunnarsdóttir í flokki 19-22 ára og Björgvin Brynjarsson í meistaraflokki samskonar viðurkenningu frá Garðabæ, þar sem þau eru búsett.

Frjálsíþróttasamband Íslands óskar þeim innilega til hamingju.

Hér að neðan má sjá mynd af þeim með viðurkenningarnar. Frá vinstri: Hlynur Freyr Karlsson, Birna Kristín Kristjánsdóttir, Irma Gunnarsdóttir og Sindri Hrafn Guðmundsson. Á myndina vantar Björgvin Brynjarsson.