Stjórn Frjálsíþróttasambands Íslands samþykkti, þriðjudaginn 17.apríl 2018, tillögu Afrekssjóðs FRÍ að fyrri úthlutun ársins 2018. Meginhlutverk Afrekssjóðs FRÍ er að búa afreksfólki og afreksefnum í frjálsíþróttum fjárhagslega og faglega umgjörð til að hámarka árangur sinn.
Styrkveitingar skulu hafa það að meginmarkmiði að styðja við afreksfólk og afreksefni vegna undirbúnings og verkefna, jafnt á fjárhagslegan hátt sem og með aðgengi að ráðgjöf og þjónustu sem snýr að umhverfi afreksíþrótta sem skilgreind eru í afreksstefnu og aðgerðaráætlun FRÍ.
Afrekssjóður FRÍ úthlutar nú 8,8 milljónum króna en sjóðurinn byggir á ýmsum tekjum sambandsins, þ.m.t. þeim sem koma í gegnum Afrekssjóð ÍSÍ.
FRÍ nýtur þess að um er að ræða stóraukið framlag ríkisins til Afrekssjóðs ÍSÍ sem gefur sambandinu tækifæri á að styðja enn frekar með beinum hætti við afreksfólkið, bæði með styrkjum vegna landsliðsverkefna og vegna verkefna einstaklinga.
Í stjórn Afrekssjóðs FRÍ eru Afreksstjóri FRÍ og stjórn FRÍ. Að auki er Fagteymi FRÍ hluti af umgjörð sambandsins í afreksmálum og ráðgefandi sé þess óskað.
Á árinu eru fjölmörg stórmót á dagskrá og stærsta mót fullorðinna er Evrópumeistaramótið í Berlín í byrjun ágúst. Afreksefni FRÍ verða svo á ferðinni á Evrópumeistaramóti U18 sem fram fer í Györ Ungverjalandi í byrjun júlí og svo er Heimsmeistarmót U20 viku seinna í Tampere Finnlandi.
Eftirtalið frjálsíþróttafólk hlaut að þessu sinni styrk úr Afrekssjóði FRÍ en frekari upplýsingar um Afreksstefnu FRÍ og Afrekssjóð eru á heimasíðunni undir afreksmál.
.
Afreksfólk FRÍ
Aníta Hinriksdóttir ÍR
Arna Stefanía Guðmundsdóttir FH
Ásdís Hjálmsdóttir Ármann
Guðni Valur Guðnason ÍR
Hilmar Örn Jónsson FH
Sindri Hrafn Guðmundsson Breiðablik
Afreksefni FRÍ
Dagbjartur Daði Jónsson ÍR
Erna Sóley Gunnarsdóttir ÍR
Elísabet Rut Rúnarsdóttir ÍR
Guðbjörg Jóna Bjarnadóttir ÍR
Helga Margrét Haraldsdóttir ÍR
Irma Gunnarsdóttir Breiðablik
Mímir Sigurðsson FH
Tiana Ósk Whitworth ÍR
Thelma Lind Kristjánsdóttir ÍR
Valdimar Erlendsson FH
Vigdís Jónsdóttir FH
Þórdís Eva Steinsdóttir FH
