Þrír íslenskir keppendur á HM í London

Þrír íslenskir keppendur taka þátt á Heimsmeistaramótinu frjálsum íþróttum sem fram fer í Lundúnum dagana 4.-13. ágúst nk.

Íslensku keppendurnir:

  1. Aníta Hinriksdóttir ÍR: 800 m hlaup
  2. Ásdís Hjálmsdóttir Ármanni: Spjótkast
  3. Hilmar Örn Jónsson FH: Sleggjukast

Ásdís Hjálmsdóttir Ármanni náði lágmarki á Heimsmeistaramótið 12. júlí sl. þegar hún keppti á alþjóðlegu móti í Jonesuu, Finnlandi. Hún kastaði 63,43 m á mótinu, sigraði spjótkastskeppnina og bætti um leið tæplega 5 ára gamalt Íslandsmet sitt í greininni. Með þessu kasti tryggði hún sér um leið þátttökurétt á HM en lágmarkið er 61,40 m.

Ásdís keppir í undankeppni spjótkastsins 6. ágúst kl. 18:05 eða kl. 19:30. Úrslit í spjótkasti kvenna fara fram 8. ágúst kl. 18:20.

Aníta Hinriksdóttir ÍR náði lágmarki á Heimsmeistaramótið 27. maí sl. þegar hún keppti í 800 m í Oordegem í Hollandi. Hún hljóp á tímanum 2:00,33 mín og hafnaði í 2. sæti í hlaupinu. HM lágmarkið í 800 m kvenna er 2:01,00 mín.

Aníta keppir í undanriðlum í 800 m hlaupi kvenna 10. ágúst kl. 18:25. Undanúrslit í 800 m hlaupi kvenna fara fram 11. ágúst kl. 18:35 og úrslitin fara fram 13. ágúst kl. 19:10.

Hilmar Örn Jónsson FH bætti Íslands­met sitt í sleggjukasti í flokki 20-22 ára pilta 7. júní sl. þegar hann keppti á banda­ríska há­skóla­meist­ara­mót­inu sem fram fór í Eu­gene, Oregon. Hann kastaði 72,38 m og bætti fyrra metið um 26 cm. Lágmarkið á HM í sleggjukasti karla er 76,00 m en Ísland hefur rétt á að senda einn karlkeppanda án lágmarks og er Hilmar Örn þar fremstur í flokki.

Hilmar Örn keppir í undankeppni sleggjukastsins 9. ágúst kl. 18:20 eða kl. 19:50. Úrslit í sleggjukasti karla fara fram 11. ágúst kl. 19:30.

Athugið: Allar tímasetningar eru á íslenskum tíma.

Hér má sjá heimasíðu mótsins.

Hér má sjá tímaseðil mótsins.

Frjálsíþróttasamband Íslands óskar íslensku keppendunum góðs gengis á mótinu!

ÁFRAM ÍSLAND!

    

 

Share on FacebookShare on Google+Tweet about this on TwitterShare on LinkedIn