Þórdís Eva með nýtt stúlknamet í 300 metra hlaupi

Á miðvikudaginn fór fram Coca Cola mót í Kaplakrika þar sem keppt var í 300 metra hlaupi. Þar setti Þórdís Eva Steinsdóttir, FH, nýtt stúlknamet 18-19 ára. Þórdís Eva hljóp á tímanum 39,17 sekúndum. Fyrra metið var 39,38 sekúndur og setti Guðbjörg Jóna Bjarnadóttir, ÍR, það í nóvember 2017. Þórdís á eitt ár eftir í flokknum og getur því bætt metið enn frekar á næsta ári.

Einnig kepptu Melkorka Rán Hafliðadóttir, Kolka Magnúsdóttir og Rannveig Björgvinsdóttir. Þær eru allar úr FH og bættu allar sinn perónulega árangur.

Hjá strákunum hljóp Kormákur Ári Hafliðason úr FH á tímanum 35,27 sekúndum og rétt á eftir honum varð Hinrik Snær Steinsson sem er einnig úr FH á tímanum 35,29 sekúndum. Hinrik var að bæta sinn persónulega árangur og er nú aðeins 0,14 sekúndum frá 18-19 ára piltameti Kormáks. Metið er 35,15 sekúndur og setti Kormákur það árið 2015. Hinrik á eitt ár eftir í flokknum. Öll úrslit má sjá hér að neðan.

Nafn Tími Nafn Tími
Þórdís Eva Steinsdóttir 39,17 sek Kormákur Ari Hafliðason 35,27 sek
Melkorka Rán Hafliðadóttir 40,53 sek Hinrik Snær Steinsson 35,29 sek
Kolka Magnúsdóttir 45,22 sek Erlingur Ísar Viðarson 49,25 sek
Rannveig Björgvinsdóttir 45,52 sek

 

Hér má sjá Þórdísi Evu eftir hlaupið og myndband af hlaupinu.