Sumarstarf á skrifstofu FRÍ

Umsóknarfrestur um sumarstarf á skrifstofu FRÍ rennur út á miðnætti á morgun sunnudaginn 23 apríl og því enn möguleiki að sækja um spennandi og krefjandi starf.

Hér er texti úr auglýsingunni sem birtist í Fréttablaðinu fyrir skömmu:

Verkefnastjóri hjá Frjálsíþróttasambandi Íslands, sumarstarf

Frjálsíþróttasamband Íslands óskar eftir að ráða sjálfstæðan og drífandi verkefnastjóra á skrifstofu FRÍ í sumar. Leitað er að háskólanema eða einstaklingi með reynslu á sviði íþróttamála eða kennslustarfa, 20 ára og eldri.

 

Hvað þarft þú að hafa til að bera?

  • Frumkvæði og sjálfstæði í starfi
  • Áhuga og getu til að bæta ímynd FRÍ á samfélagsmiðlum
  • Færni til að skrifa skemmtilegar fréttir og færslur um frjálsar
  • Getu til að stýra verkefnum á eigin spýtur

 

Hvað bjóðum við uppá?

  • Áhugavert og lifandi starf í íþróttahreyfingunni
  • Möguleikann á því að bæta frjálsíþróttahreyfinguna og samfélagið um leið
  • Möguleika á hlutastarfi (t.d. með skóla) til framtíðar
  • Gott tækifæri til að læra og bæta sig í fjölbreyttu og krefjandi starfi

 

Verkefnastjóri vinnur náið með framkvæmdastjóra og stjórn FRÍ auk þess að vera í sambandi við aðildarfélög sambandsins um land allt.

Upphaf starfs er í maí, skv. nánara samkomulagi og starfslok að hausti skv. samkomulagi, en einnig er möguleiki á hlutastarfi, t.d. með skóla. Áhugasamir sendi umsóknir og fyrirspurnir á netfangið sumarstarf@fri.is ​í síðasta lagi sunnudaginn 23. apríl.

 

Share on FacebookShare on Google+Tweet about this on TwitterShare on LinkedIn