Silfurleikar ÍR. Fjölmennasta innanhússmót í frjálsum í landinu frá upphafi – yfir 600 bætingar hjá um 840 þátttakendum. Glæsilegt mót í alla staði.

Leikarnir hófust um morguninn og þeim lauk á tilsettum tíma kl. 18:00 undir traustri stjórn Frjálsíþróttadeildar ÍR og um 100 sjálfboðaliða sem gerðu þennan frumkvöðlaviðburð að veruleika í 20. sinn. Og nú sem aldrei fyrr hvað varðar fjölda þátttakenda voru voru um 850 talsins – flott þróun frá fyrstu leikunum 1996 þegar um 100 ungmenn spreyttu sig saman. Frjálsíþróttahreyfingin á ÍR-ingum mikið að þakka hversu vel hefur tekist til að efla hreyfingu ungs fólks innanhúss í frjálsíþróttum og allt útlit fyrir að þátttaka á innanhússmótum í Hafnarfirði og á Akureyri muni ná sambærilegu umfangi í framtíðinni enda allt á fullri ferð á þeim stöðum líka og takmörk fyrir því hvað hægt er að nýta eina frjálsíþróttahöll fyrir marga á stórviðburði í frjálsíþróttum. Allt er klárlega á fullri ferð í frjálsum þar sem allir hafa hlutverk og framförum hver og eins er fagnað.
 
Á fáa verðu halla þótt  ábyrgðarmanni Silfurleika ÍR og formanni Frjálsíþróttadeildar ÍR, Margréti Héðinsdóttur, verði hér sérstaklega þakkað frábær störf frjálsíþróttadeildarinnar að þessu sinni sem fyrri ár. 
 
Share on FacebookShare on Google+Tweet about this on TwitterShare on LinkedIn

FRÍ Author