Norðurlandamótið í Víðavangshlaupi

Norðurlandameistaramótið í víðavangshlaupum fór fram í Laugardalnum í dag. Alls voru 92 keppendur skráðir til leiks frá Norðurlöndunum ásamt Færeyjum. Keppt var bæði í einstaklings- og liðakeppni í fjórum flokkum; karla- og kvennaflokki og flokki stúlkna og pilta 19 ára og yngri. Stúlkurnar hlupu 4,5 km, piltarnir 6 km, konurnar 7,5 km og karlarnir 9 km. Í liðakeppninni voru stig reiknuð út frá þremur efstu keppendum frá hverju landi fyrir sig. Í karlakeppninni voru það hins vegar fjórir efstu.

Í kvennaflokki sigraði Anna Em­ilie Möller frá Dan­mörku á tímanum 27:34 mínútum. Sjö ís­lensk­ar konur hófu keppni. Elín Edda Sig­urðardótt­ir varð 16. á tím­an­um 31:09 mín­út­um, Íris Anna Skúla­dótt­ir varð 17. á 31:21 mín­út­um, Arn­dís Ýr Hafþórs­dótt­ir var 18. á 31:50 mín­út­um, Helga Guðný Elías­dótt­ir varð 19. á 32:22 mín­út­um, Rann­veig Odds­dótt­ir varð 20. á 32:40 mín­út­um og Anna Berg­lind Pálma­dótt­ir varð 21. á 34:25 mín­út­um. Aníta Hinriks­dótt­ir kláraði ekki hlaupið, en 20 kepp­end­ur af þeim 24 sem voru skráðir til leiks kláruðu. Í liðakeppninni sigraði Svíþjóð og urðu íslensku konurnur í fjórða sæti.

Í karla­flokki sigraði Am­anu­el Gerg­is frá Svíþjóð á tím­ann 28:55 mínútum. Sex ís­lensk­ir karlar voru skráðir til keppni. Hlyn­ur Andrés­son náði þar best­um ár­angri, 7. sæti á tím­an­um 29:26 mín­út­um. Guðni Páll Páls­son varð 23. á 32:27 mín­út­um, Þórólf­ur Ingi Þórs­son varð 24. á 32:37 mín­út­um, Sæmund­ur Ólafs­son varð 25. á 33:23 mín­út­um, Vign­ir Már Lýðsson varð 26. á 34:27 mín­út­um og Vil­hjálm­ur Þór Svans­son varð 27. á 35:18 mín­út­um.  Í liðakeppninni sigraði Danmörk og íslenska liðið varð í fimmta sæti.

Í flokki stúlkna 19 ára og yngri sigraði Moona Kor­keala­ak­so frá Finn­landi á tímanum 16:53 mín­út­um. Tvær íslenskar stúlkur voru skráðar til keppni. Sara Mjöll Smára­dótt­ir var í 15. sæti á tím­an­um 20:02 mín­út­um og í 16. sæti varð Sól­rún Soffía Arn­ar­dótt­ir á tím­an­um 20:50 mín­út­um. Í liðakeppninni sigraði Finnland og íslensku stelpurnar urðu í fimmta sæti.

Í flokki pilta 19 ára og yngri sigraði Hä­kon Stavik frá Nor­egi á tím­ann, 19:57 sek­únd­um. Af þeim fjór­u ís­lensk­u kepp­end­um sem hófu keppni kom Daði Arn­ar­son fyrstur í mark og varð í 16. sæti á tím­an­um 22:59 mín­út­um, Dag­bjart­ur Kristjáns­son hafnaði í 17. sæti á 23:05 mín­út­um og Andri Már Hann­es­son hafnaði í 18. sæti á 23:55 mín­út­um. Hlynur Ólason lauk ekki keppni en 18 kepp­end­ur kláruðu hlaupið af þeim 22 sem skráðir voru til leiks. Í liðakeppninni sigraði Noregur og Ísland varð í fimmta sæti.