Met og mikill fjöldi á Stórmóti ÍR

Sjöþrautarstúlkan Arna Stefanía Guðmundsdóttir sigraði í fjórum greinum í 16-17 ára flokki stúlkna og bætti sig í öllum fjórum greinunum stökk 5,77m í langstökki, hljóp 60m á 7,90 sek, 200m á 15,15 sek og 60m grindahlaup á 9,29 sek. 
 
Sveinbjörg Zophoníasdóttir USÚ sigraði í langstökkinu, stökk 5,88 m. Í öðru sæti var Hafdís Sigurðardóttir HSÞ sem stökk 5,79 m. Sveinbjörg svaraði hér fyrir sig frá því í síðustu viku, þegar Hafdís tók sigurinn í síðasta stökkinu á RIG mótinu. Sjöþrautarkonan Kristín Birna Ólafsdóttir ÍR hljóp á góðum tíma í 60m grindahlaupi 8,79 sek.

Keppnin fór  að sjálfsögðu fram í Laugardalshöllinni við heimsklassa aðstæður.  Á laugardagsmorgun var keppt  bæði í frjálsíþróttahöllinni og í gömlu Laugardalshöllinni samtímis.  Í gamla salnum fór fram keppni  í flokkum 10 ára og yngri í svokallaðri þrautabraut sem er nýtt alþjóðlegt keppnisfyrirkomulag fyrir yngstu aldursflokkana.  Alls var keppt á 20 stöðvum í þrautabrautinni og á sama tíma keppa 11 ára og eldri í frjálsíþróttahöllinni á 8 stöðvum.  Þegar mest lét var keppt á 28 stöðvum í Laugardalshöllinni samtímis á laugardagsmorgun.
Keppendur vou samtals 705  frá 25 félögum víðs vegar að af landinu. Um 120 sjálfboðaliðar komu að framkvæmd mótsins um helgina.

Færeyingar fjölmenntu á mótið en 30 keppendur koma þaðan.  Keppt er í aldursflokkum 8 ára og yngri  og upp í fullorðinsflokka.  Alls störfuðu um 120 manns við framkvæmd mótsins á vegum ÍR.  Stórmót ÍR er eins og undanfarin ár það stærsta sem haldið í frjálsíþróttum innanhúss ár hvert á Íslandi.  
 
Öll úrslit á mótinu eru hér.
Share on FacebookShare on Google+Tweet about this on TwitterShare on LinkedIn

FRÍ Author