Ólympíuhátíð Evrópuæskunnar fer fram í Azerbaidjan 22. – 27. júlí og er fyrir aldursflokkinn 16-17 ára. Unglinganefnd og afreksstjóri hafa valið eftirfarandi íþróttamenn á mótið.
- Birna Kristín Kristjánsdóttir, Breiðablik – Langstökk
- Dagur Fannar Einarsson, Selfoss – Langstökk
- Elísabet Rut Rúnarsdóttir, ÍR – Sleggjukast
- Eva María Baldursdóttir, Selfoss – Hástökk
- Kristján Viggó Sigfinnsson, Ármann – Hástökk
- Ólíver Máni Samúelsson, Ármann – 100 metrar
Ekki eru gefin út lágmörk fyrir mótið heldur eru aðeins okkar sterkustu keppendur valdir þar sem miðað er við árangur sem dugar í að minnsta kosti tíunda sæti miðað við úrslit tveggja síðustu leika.
