Landsliðsval fyrir Evrópubikar í fjölþrautum

Næstu helgi, 6. og 7. júlí fer fram Evrópubikar í fjölþrautum. Mótið fer fram á eyjunni Madeira sem er hluti af Portúgal. Íþrótta- og afreksnefnd og afreksstjóri hafa valið eftirfarandi íþróttamenn á mótið.

  • Andri Fannar Gíslason
  • Benjamín Jóhann Johansen
  • Ísak Óli Traustason
  • Sindri Magnússon
  • Glódís Edda Þuríðardóttir
  • María Rún Gunnlaugsdóttir

Fararstjórar og þjálfarar eru Sigurður Arnar Björnsson, verkefnastjóri A-landsliðs, Þráinn Hafsteinsson og Þórdís Gísladóttir.

Á Evrópubikar í fjölþrautum er keppt í þremur deildum og keppir Ísland í annari deild sem er sú neðsta. Keppnisfyrirkomulag er með þeim hætti að stig þriggja stigahæstu íþróttamanna hverrar þjóðar eru tekin saman og tvær stigahæstu þjóðirnar fara upp um deild. Mótið er haldið í síðasta skipti í ár og því skiptir staða Íslands meðal hinna þjóðanna ekki öllu máli. Samt sem áður er þetta mót gott tækifæri fyrir okkar fólk til þess að keppa gegn sterkum keppendum á alþjóðlegum vettvangi og vonandi ná fram persónulegum bætingum.

Hér er heimasíða mótsins þar sem finna má frekari upplýsingar