Íslenskt frjálsíþróttafólk við keppni í Svíþjóð

Hafdís vann til verðlauna í langstökki og í 400m hlaupi. Hún sigraði 400m hlaupið á 55.89 sek., sem er persónuleg bæting hjá henni. Hafdís sigraði einnig langstökkið eftir spennandi keppni. Fyrir síðustu umferð var Hafdís í 2. sæti með 6,04 m aðeins 1cm frá 1. sætinu. Í lokaumferðinni náði hún sigurstökkinu upp á 6,11m sem er hennar ársbesta í greininni. Hafdís keppti einnig í 60m hlaupi þar sem hún komst í úrslit og endaði í 5. sæti
 
Fjóla Signý keppti í 60m og 400m hlaupi. Hún náði sér ekki á strik í 60m en vann sinn riðil í 400m og endaði í 3. sæti á tímanum 57,55 sem er ekki langt frá hennar besta. Þetta var hennar fyrsta 400m hlaup á árinu líkt og hjá honum Trausta sem hljóp á 48,63 s og endaði hann í 2. sæti. Stefanía náði sér ekki á strik í 400m.
 
 
Á myndinni eru þær Hafdís og Fjóla Signý.
 
Share on FacebookShare on Google+Tweet about this on TwitterShare on LinkedIn

FRÍ Author