Íslandsmeistarar í 5 km götuhlaupi

Víðavangshlaup ÍR sem jafnframt er meistaramót í 5 km götuhlaupi fór fram í gærkvöldi við ágætis aðstæður.  ÍR-ingar eru ákaflega stoltir af langri og samfelldri sögu Víðavangshlaups ÍR og þeim mikilvægt að rjúfa ekki sögu þess. 200 þátttakendur voru skráðir til leiks og luku 163 hlaupi. Áratugir eru síðan eins fáir keppendur mættu til leiks einsog nú en hlaupið er öllu jafna eitt fjölmennasta 5 km hlaup landsins.  Dregið var verulega úr allri umgjörð frá því sem verið hefur og voru keppendur hvattir til að staldra stutt við á keppnisstað.

Fyrstu þrír karlar karlar í Víðavangshlaupi ÍR og meistaramóti 

1. Arnar Petursson, Breiðablik  00:15:18
2. Sigurður Örn Ragnarsson, Afturelding   00:16:09
3. Þórólfur Ingi Þórsson, 00:16:18      

Fyrstu þrír konur í Víðavangshlaupi ÍR 

1. Elin Edda Sigurðardóttir, ÍR 00:18:12
2. Verena Schnurbus, 00:18:37          
3. Íris Anna Skúladóttir, Fjölnir/CFR   00:19:05

Fyrstu þrír konur í meistaramóti 

1. Elin Edda Sigurðardóttir, ÍR 00:18:12
2. Íris Anna Skúladóttir, Fjölnir/CFR   00:19:05
3. Amanda Marie Ágústsdóttir, Ægir 00:19:58

Víðvangshlaup ÍR hefur aldrei fallið niður en var nú í þriðja sinn fært til eða haldið á öðrum degi en sumardaginn fyrsta. Í tilefni af 25 ára afmæli hlaupsins árið 1940 var hlaupið liður í umfangsmiklum hátíðahöldum sem ÍR efndi til á uppstigningardag. Árið 1949 var hlaupinu frestað vegna óhagstæðs veðurs og veikindafaraldurs í Reykjavík. Hlaupið var því í annað sinn fært til vegna veikindafaraldurs!