Fri.is

"Fyrri keppnisdagurinn var gríðarlega spennandi og loksins þegar úrslit lágu fyrir, sem var undir miðnætti, var ljóst að stigakeppnin gæti ekki verið meira spennandi," segir í Benóný Jónsson farastjóri Íslenska liðsins í bloggfærslu sinni.

 

"Ísland í öðru sæti með 265 stig, Rétt á undan okkur er Kýpur með 273, munar þar 8 stigum. Í þriðja sæti er Ísrael með 262 stig, einungis þremur stigum á eftir Íslandi. Það verða tvö lönd sem fara upp um deild – það ætlum við að gera. Uppskeran var sannarlega góð í gær, Íslandsmet í 4×100 m boðhlaupi karla, þar sem slegið var 18 ára frægt met. Sigur í langstökki karla og 400 m hlaupi kvenna. Þvílíkir harðjaxlar þau Hafdís Sigurðardóttir og Kristinn Torfason, en þau negldu greinarnar sínar eftirminnilega. Síðan voru 6 silfur og fjögur brons. Aðrir keppendur stóðu sig hrikalega vel og mokuðu inn stigum. Við eigum raunhæfa möguleika á því að fara upp um deild, þar sem við eigum sterka keppendur í greinunum á seinni degi. Það er ekki eins heitt í dag eins og í gær, 75% skýjahula og aðstæður hentugar fyrir Íslenska keppendur. Á liðsfundi í gærkvöldi var mikil stemming, þarf ekki að taka það fram hér að fólk ætlar sér stóra hluti í dag. Nú er að bíta í skjaldarrendur og klára verkefnið. VIð ætlum okkur að sigra keppnina og ekkert annað," segir hann að lokum.

 

Stigastaðan eftir fyrri dag er sem hér segir:

1st         Cyprus         273.5
2nd         Iceland         265
3rd         Israel        262
4th         Moldova    255
5th        Luxembourg    204
6th        Azerbaijan    201
7th        Georgia        167
8th         Bosnia        163
9th         Malta        150
10th        Montenegro    139
11th         Armenia        136
12th         FYR Macedonia    95
13th         AASSE        93
14th        Albania        89
15th         Andorra        62