ÍR efstir eftir fyrri dag á Meistaramóti Íslands

 

Af úrslitum dagsins má nefna að Óli Tómas Freysson úr FH reyndist fljótastur allra en hann kom í mark á 7 sekúndum sléttum í 60 metra spretthlaupi. Arna Stefanía Guðmundsdóttir úr ÍR vann í kvennaflokki á 7,86 sekúndum en hún varð einnig í 2. sæti í langstökkskeppni þar sem Sveinbjörg Zophoníasdóttir úr USÚ vann sigur með 5,98 metra stökki.

Kolbeinn Höður Gunnarsson úr UFA varð Íslandsmeistari í 400 metra hlaupi karla á 50,47 sekúndum og Stefanía Valdimarsdóttir úr Breiðabliki í flokki kvenna á 57,02 sekúndum.

Helga Margrét Þorsteinsdóttir úr Ármanni vann kúluvarpskeppnina með því að varpa kúlunni 13,90 metra og varð í 2. sæti í hástökki. Þar vann Helga Þráinsdóttir en báðar stukku yfir 1,64 metra.

Óðinn Björn Þorsteinsson úr FH varð Íslandsmeistari í kúluvarpi en hann varpaði kúlunni 18,31 metra. FH vann þrefaldan sigur í kúluvarpi karla. 

Þá var Kristinn Torfason úr FH örfáum sentímetrum frá Íslandsmeti sínu í þrístökki en hann vann með 15,23 metra stökki.

Sjá nánari úrslit í mótaforriti hér á vinstri stikunni eða hér: (http://mot.fri.is/cgi-bin/ibmot/timesedillib1558.htm).
 
(Frétt fengin af www.mbl.is )
Share on FacebookShare on Google+Tweet about this on TwitterShare on LinkedIn

FRÍ Author