ÍR bar sigur úr bítum eftir jafna keppni

Sandra Pétursdóttir úr ÍR sigraði í sleggjukasti og náði besta árangri ársins í greininni þegar hún sigraði með kasti upp á 51,75 m. Hilmar Örn Jónsson ÍR náði einnig góðum árangri með 7.26 kg sleggjunni, 58,38 m, en hann er aðeins 17 ára og keppt er með 6 kg sleggju í hans aldursflokki.
 
Kári Steinn Karlsson Breiðabliki sigraði örugglega á næst besta tíma ársins í 5.000 m hlaupi, en hann kom í mark á tímanum 15:01,75 mín. Þorbergur Ingi Jónsson úr liði Norðurlands var annar á 15:,05 mín. Ármann Eydal Albertsson ÍR kom í mark þriðji á persónulegu meti 15:33,80 mín.
 
Hafdís Sigurðardóttir var sem fyrr atkvæðamikil fyrir sitt lið, sigraði bæði í 200 m hlaupi og langstökki, en varð 4. í sleggjuasti, ásamt því að hlaupa síðasta sprett Norðlendinga í boðhlaupi dagsins. Guðmundur H. Guðmundsson FH sigraði nokkuð óvænt í 110 m grindarhlaupi á persónulegu meti 15,85 sek.
 
Boðhlaupssveitir ÍR undirstrikuðu sigur í Bikarkeppninni með tvöföldum sigrum í 1000 m boðhlaupi, báðar á besta tíma ársins í greininni.
 
Heildarúrslit keppninnar má sjá hér.
Share on FacebookShare on Google+Tweet about this on TwitterShare on LinkedIn

FRÍ Author