HSK/Selfoss bikarmeistarar 15 ára og yngri

Bikarkeppni FRÍ 15 ára og yngri fór fram í Kaplakrika í dag. 140 keppendur víðs vegar af landinu voru mættir til að etja kappi í 20 greinum. Tíu lið til voru skráð til keppni í flokki stúlkna og átta lið í flokki pilta. Mikið var um persónulegar bætingar þar sem aðstæður voru með besta móti, hlýtt var í veðri og logn. Síðustu tvö ár hefur HSK sigrað bikarkeppnina og það sama var upp á teningnum í ár. Nú í sameiginlegu liði með Selfossi.

Í heildarstigakeppninni sigraði sameiginlegt lið HSK og Selfoss með 141 stig. Í öðru sæti varð UFA/HSÞ með 134 stig og í því þriðja varð FH með 105 stig. Í stúlknakeppninni sigraði UFA/HSÞ með 86 stig og í piltakeppninni sigraði HSK/Selfoss með 70 stig.

Nánari úrslit í liðakeppninni

Stúlknaflokkur

  1. UFA/HSÞ 86 stig
  2. FH 80 stig
  3. HSK/Selfoss A-lið 71 stig

Piltaflokkur

  1. HSK/Selfoss A-lið 70 stig
  2. HSK/Selfoss B-lið 50 stig
  3. UFA/HSÞ 48 stig

Samanlögð úrslit

  1. HSK/Selfoss A-lið 141 stig
  2. UFA/HSÞ 134 stig
  3. FH 105 stig

Öll úrslit mótsins fá finna hér