Hlynur saxar nær Íslandsmetinu í 3000m hindrunarhlaupi

Hlynur Andrésson ÍR keppti í 3000m hindrunarhlaupi á móti í Lexington í Kentucky í Bandaríkjunum um helgina en markmiðið var að vinna sér keppnisrétt á Bandaríska háskólameistaramótinu (NCAA). Hlynur hljóp á tímanum 8:54.75 mín sem er 4 sek bæting en hann átti best 8:59,83 mín frá því 27. apríl sl.

Hlynur á þar með 4. besta tíma Íslendings frá upphafi en Íslandsmet Sveins Margeirssonar er 8:46.20 mín frá 12. júní 2003. Hann varð 8. af 12 í sínum riðli en alls hlupu 47 karlar 3000m hindrunarhlaup á mótinu og varð Hlynur í 14. sæti af þeim öllum.

Það er ljóst að Hlynur átti alveg séns á að ná inn á mótið en hann vantaði aðeins 6 sæti upp á að komst til Eugene, Oregon þar sem NCAA fer fram.

Hér má sjá úrslit mótsins.

Share on FacebookShare on Google+Tweet about this on TwitterShare on LinkedIn