Hlynur Andrésson með Íslandsmet í 3.000 m hlaupi

Hlauparinn Hlynur Andrésson ÍR keppti í gær í 3.000 m hlaupi á Ryan Shay Invitational í Notre Dame í Bandaríkjunum. Hann kom fyrstur í mark í hlaupinu eftir frábæran endasprett og hljóp hann á tímanum 8:02,08 mínútum (OT). Er þessi tími nýtt persónulegt met hjá Hlyni en hann var að bæta sig um rúmar 4,5 sek og bætti um leið Íslandsmetið í greininni sem var í hans eigu og var áður 8:06,69 mín. Frábærlega gert hjá Hlyni og verður mjög sprennandi að fylgjast með honum á innanhússtímabilinu sem er aðeins rétt að byrja.

Þess má geta að Hlynur er sem stendur í 22. sæti á NCAA listanum sem er virkilega flottur árangur.

 

Frjálsíþróttasamband Íslands óskar Hlyni innilega til hamingju með glæsilegt hlaup!

Hér má sjá heildarúrslit hlaupsins.