Hlynur á nýju Íslandsmeti

Hlynur Andrésson setti í gær, 2. ágúst, enn eitt Íslandsmetið en það var í 3000 metra hlaupi í Hollandi. Hann hljóp á tímanum 8:02,60 mín og var innan við einni sekúndu frá sigrinum en Stan Niesten frá Danmöru sigraði, 34 keppendur luku hlaupinu. Metið var í eigu Hlyns sjálfs 8:04,54 mín síðan í Uterecht 10. júlí sl. en þar á undan var það Jón Diðriksson sem átti metið frá því í lok ágúst 1983, tíu árum áður en Hlynur fæddist.

Hlynur keppir næst í 5000 metra hlaupi eftir tvær vikur og er hann greinilega í hörku formi og Íslandsmet því í hættu en það á Hlynur síðan í júlí á síðasta ári, 13:57,89 mín. Sambærilegur tími í 5000 metra hlaupi væri 13:47-13:48 mín ef tekið er mið af hlaupinu í dag og þeim aðstæðum sem þar voru.

Úrslit hlaupsins í gær má sjá hér.