26. júlí 2010

EM í Barcelona, Kristín Birna og Ásdís byrja á morgun

EM í Barcelona, Kristín Birna og Ásdís byrja á morgun
Setningarhátíðin er í kvöld en keppnin hefst á morgun. Ísland á 6 keppendur á EM og höfum við aldrei sent svona marga síðan Stokkhólmi árið 1958. Þetta eru þau;
Kristín Birna Ólafsdóttir-Johnsson úr ÍR, hún keppir í 400m grindahlaupi
Ásdís Hjálmsdóttir úr Ármanni, hún keppir í spjóti
Óðinn Björn Þorsteinsson úr FH, hann keppir í kúluvarpi
Helga Margrét Þorsteinsdóttir úr Ármanni, hún keppir í sjöþraut
Þorsteinn Ingvason úr HSÞ, hann keppir í langstökki
Björgvin Víkingsson úr FH, hann keppir í 400m grindahlaupi.
 
Við eigum tvo keppendur sem hefja keppni á morgun, þær Kristínu Birnu Ólafsdóttur-Johnson úr ÍR og Ásdísi Hjálmsdóttur úr Ármanni. Við munum setja inn úrslitin um leið og þau koma í hús. Hægt er að horfa á mótið á Eurosport í fyrramálið.
 
 
 
 

Kristín Birna Ólafsdóttir-Johnson úr ÍR mun hefja keppni í fyrramálið fyrst af okkar fólki. Hún hefur keppni klukkan 10:08 á staðartíma eða klukkan 08:08 á íslenskum tíma. Hún er í öðrum riðli af fjórum. Til að komast áfram þarf hún að vera meðal 3 bestu í sínum riðli eða með einn af 4 bestu tímunum fyrir utan þær sem komust beint áfram.
 
Ásdís Hjálmsdóttir úr Ármanni keppir einnig á morgun í spjóti. Hún er í hópi B og hefst keppnin hjá þeim klukkan 20:30 á staðartíma eða klukkan 18:30 á okkar tíma. Hún þarf að kasta yfir 59,50m til að komast beint áfram í úrslitin eða vera meðan 12 efstu.