FRI.is
30. júlí 2010

Helga Margrét Þorsteinsdóttir hætt keppni í sjöþraut á EM

Helga Margrét Þorsteinsdóttir hefur ákveðið að hætta keppni í sjöþraut eftir kúluvarpið.  Hún var langt frá sínu besta í fyrstu greinum þrautarinnar enda ný lokið keppni á HM 19 ára og yngri með frábærum árangri og fékk brons að launum þar.
 
Þá hafa allir íslensku keppendurnir lokið keppni á EM.  Það sem ber hæst er árangur Ásdísar Hjálmsdóttur í spjótkasti en hún náði 10. sæti.  Ennfremur má geta að Kristín Birna Ólafsdóttir-Johnson hljóp 400m grindarhlaup á 58,34sek en hún á best 58,31sek. og Þorsteinn Ingvarsson stökk 7,59cm í langstökki og hann á best 7,79cm.
 
Góða ferð heim til Íslands.
meira >>
30. júlí 2010

Þorsteinn Ingvarsson hefur lokið keppni í langstökki á EM

Þorsteinn Ingvarsson stökk lengst 7,59cm og varð í 26 sæti af 32 keppendum.  Hann á best 7,79cm svo þetta er fínn árangur hjá honum á stórmóti.  Það þurfti að stökkva 8,00cm til að komast áfram í úrslitakeppnina.
 
Helga Margrét Þorsteinsdóttir hefur lokið við þrjá greinar af sjö en hún stökk 1,65cm(795 stig) í hástökki og kastaði´hún kúlunni 12,74m(710 stig). Hún er í 24 sæti af 26 keppendum með 2.353 stig að loknum þremur greinum.  Hún er töluvert frá sínum besta árangri en við sendum henni okkar baráttukveðjur suður til Barcelona.
meira >>
30. júlí 2010

Óðinn Björn Þorsteinsson úr leik í kúluvarpi á EM.

Óðinn Björn Þorsteinsson keppti í kúluvarpi í morgun en öll köst hans voru ógild þar með lauk þátttöku hans á EM.
 
Helga Margrét Þorsteinsdóttir keppti í 100m grindarhlaupi og hljóp á 14,95 sem gefur henni 848 stig.  Næsta grein hennar er hástökk sem hefst kl. 10:05.
meira >>

Eldri fréttir