Fjórir íslenskir keppendur á EM í Berlín

Mánudaginn 6. ágúst hefst EM í frjálsum íþróttum og stendur til sunnudagsins 12. ágústs. Fjórir Íslendingar verða á meðal keppenda á mótinu sem fer fram á Ólympíuleikvangnum í Berlín. Það eru þau Aníta Hinriksdóttir, ÍR sem keppir í 800 metra hlaupi, Ásdís Hjálmsdóttir, Ármanni og Sindri Hrafn Guðmundsson, Breiðabliki, sem keppa í spjótkasti og Guðni Valur Guðnason, ÍR sem keppir kringlukasti.

Fararstjóri verður Guðmundur Karlsson.

Í þjálfara- og í fagteymi verða

  • Einar Vilhjálmsson
  • Honore Hoedt
  • John Annerud
  • Olaf van den Bergh
  • Pétur Guðmundsson

Tímaseðill hjá íslensku keppendunum miðað við íslenskan tíma er eftirfarandi

  • Aníta Hinriksdóttir hefur keppni í undanrásum í 800 metra hlaupi klukkan 9:05 þriðjudaginn 7. ágúst. Undanúrslit fara svo fram klukkan 17:55 degi síðar og úrslit 19:20 föstudaginn 10. ágúst
  • Guðni Valur keppir í undankeppni í kringlukasti klukkan 9:10, þriðjudaginn 7. ágúst. Úrslitin fara fram klukkan 18:20 degi síðar.
  • Sindri Hrafn keppir í undankeppni í spjótkasti í hádeginu miðvikudaginn 8. ágúst. Keppt verður í tveimur riðlum klukkan 11:00 og 12:25. Úrslitin fara fram 18:22 degi síðar.
  • Ásdís Hjálmsdóttir keppir í undankeppni í spjótkasti rétt fyrir hádegi fimmtudaginn 9. ágúst. Keppt verður í tveimur riðlum, klukkan 10:30 og 11:30. Úrslitin fara fram degi síðar klukkan 18:25

Frekari upplýsingar má finna á heimasíðu mótsins með því að smella hér