Evrópumeistaramótið Innanhúss í Belgrad

Eins og fram hefur komið á Ísland tvo keppendur á Evrópumeistaramótinu innanhúss sem fram fer í Belgrad 3. – 5. mars. Þetta eru Aníta Hinriksdóttir ÍR sem keppir í 800m, en hún æfir nú í Hollandi, og Hlynur Andrésson ÍR sem keppir í 3000m hlaupi, en hann stundar nám og æfingar í Bandaríkjunum. Fleiri Íslendingar eru ekki meðal keppenda en Arna Stefanía Guðmundsdóttir úr FH náði lágmarki en keppir ekki vegna meiðsla. Ljóst er að þó svo að Ísland eigi aðeins tvo keppendur á mótinu núna þá er bjart framundan í frjálsum á Íslandi og mun fleiri ættu að ná inn á mótið á allra næstu árum. Keppni á EM hefst í dag föstudag og keppir Aníta í undanrásum 800m hlaupsins kl. 10:10 á eftir en Hlynur hleypur 3000m kl. 17:38.

Aníta er í 2. riðli af 4 og er þar með besta tímann en hún er með 3. besta tíma og sömuleiðis 3. ársbesta tíma þeirra 18 stúlkna sem hlaupa. Fyrstu 2 í hverjum riðli + 4 bestu tímar fara áfram í undanúrslit sem hlaupin eru á laugardaginn kl. 19:03 en úrslitin fara fram kl. 17:25 á sunnudag, þar hlaupa 6 stúlkur, þrjá bestu úr hvorum undanúrslita riðlinum. Helstu keppinautar Anítu eru hin úkraínska Olha Lyakhova sem hefur hlaupið hraðast 2:00,92 mín og Selina Buchel frá Sviss en hún á 1 sek betri tíma en Aníta. Aðrar stúlkur koma svo fast á hæla þeirra

Hlynur keppir með 22 öðrum hlaupurum og er hann í seinni riðlinum sem ræstur er kl. 17:38 í dag en 12 fara í úrslit sem hlaupin eru á sunnudag.

Spennandi dagar framundan í frjálsíþróttunum en Sigurbjörn Árni Arngrímsson mun lýsa mótinu í sjónvarpinu.

Share on FacebookShare on Google+Tweet about this on TwitterShare on LinkedIn