Ert þú íþróttamaðurinn sem okkur vantar?

FRÍ leitar að fimm íþróttamönnum til að taka sæti í íþróttamannanefnd FRÍ. Skilyrði fyrir sæti í nefndinni er að íþróttamaður þarf að hafa keppt á Meistaramóti Íslands, Bikarkeppni FRÍ eða fyrir Íslands hönd á vegum FRÍ síðastliðna árið. Óskað er eftir tilnefningu frá sambandsaðilum FRÍ um tvo íþróttamenn á þeirra vegum, einn karl og eina konu. Keppendur á Meistaramóti Íslands skulu svo kjósa mest 5 einstaklinga úr hópi tilnefndra í nefndina. Þeir sem flest atkvæði hljóta taka sæti í nefndinni.

Hlutverk nefndarinnar er að sinna hlutverki ,,Athletes ́ Commission,“ skv. ákvörðun EAA og IAAF, þar með talið að taka þátt í kjöri íþróttamanna í ,, Athletes ́ Commission” hjá báðum samböndunum og fleiri verkefni eftir því sem það á við. Einnig er nefndin stjórnar FRÍ innan handar þegar kemur að málefnum íþróttamanna.

Óskað er eftir tilnefningum á netfangið kristofer@fri.is í síðasta lagi fimmtudaginn 12. júlí. Kosningin fer fram á Sauðárkróki meðan á Meistaramóti Íslands stendur.