Bikarkeppni FRÍ 1. deild, upplýsingar

Upplýsingar um 43. Bikarkeppni FRÍ eru komnar inn hér á síðunni undir mótaskrá m.a. tímaseðill og töfluröð liða.
Þau sex lið sem keppa í Bikarnum 4.-5. júlí nk. á Kópavogsvelli eru Breiðablik, Fjölnir/Ármann, FH, ÍR, HSÞ og UMSS. Skráningarfrestur er til mánudagsins 30. júní nk.
Aðeins eitt lið skráði lið til þátttöku í 2. deild, lið HSK og því fer engin keppni fram í 2. deild að þessu sinni og lið HSK fær sjálfkrafa keppnisrétt í 1. deild á næsta ári.
 
meira...

Tvö Íslandsmet í Evrópubikarkeppnini í Tallinn, Ásdís náði Ólympíulágmarki

Ásdís Hjálmsdóttir Ármanni bætti í dag Íslandsmet sitt í spjótkasti um 39 sm, þegar hún kastaði 57,49 metra í Evrópubikarkeppni landsliða í Tallinn og sigraði með tæplega tveimur metrum.
Ásdís náði með þessu kasti lágmarki fyrir Ólympíuleikana í Peking, sem er 56,00 metrar. Gamla metið var 57,10 metrar frá 28. maí 2005. Kastsería Ásdísar var: 54,95-57,49-55,98-óg.
 
meira...

Helga Margrét með stefnu á Íslandsmet í sjöþraut í Prag

Helga Margrét Þorsteinsdóttir Ármanni hefur hlotið samtals 3308 stig í sjöþraut eftir fyrri dag á sterku
alþjóðlegu fjölþrautarmóti í Prag í Tékklandi. Helgu Margréti hefur gengið vel í dag og með sama áframhaldi á morgun er útlit fyrir að Íslandsmet Kristínar Birnu Ólafsdóttur ÍR, 5402 stig frá 2006 falli.
 
Árangur Helgu í dag:
100m gr.: 14,92 sek.
Hástökk: 1,71m (bæting um 5 sm)
Kúluvarp: 12,68 m.
200m: 25,18s (-0,5m/s).
 
Einar Daði Lárusson ÍR tók einnig þátt í mótinu í tugþraut karla, en þurfti að hætta keppni vegna meiðsla í
baki eftir þrjár greinar, en hann hljóp 100m á 11,30 sek., stökk 6,74m og varpaði kúlu 11,75m.
 
Slóð á heimasíðu mótsins:
http://online.atletika.cz/vysledky.aspx?idk=6922
meira...

Glæsilegt Íslandsmet hjá Helgu Margréti í sjöþraut í Prag.

Helga Margrét Þorsteinsdóttir úr Ármanni hlaut 5524 stig og bætti Íslandsmetið í sjöþraut kvenna um 122 stig. Gamla metið var 5402 stig en það setti Kristín Birna Ólafsdóttir, ÍR árið 2006. Úrslit greina í dag: Langstökk 5,57 m v 2,2 (720)Spjótkast 39,62 m.(660) og 800 m. 2:19,08 (836). Glæsilegur árangur hjá Helgu Margréti sem verður 17 ára seinna á árinu. Hún varð í 7. sæti af 13 keppendum sem luku keppninni, en mótið var feykisterkt. Frjálsíþróttasambandið óskar þeim Helgu og félögum hennar í Ármanni, þjálfara hennar í ferðinni Guðmundi Hólmari Jónssyni og þjálfara hennar Stefáni Jóhannssyni til hamingju með þennan glæsilega árangur.
meira...

66. Vormót ÍR – Kári vann Kaldalshlaupið

Góð þátttaka var í 66. Vormóti ÍR, sem fram fór á Laugardalsvelli í gærkvöldi í góðu veðri.
Ágætur árangur náðist í nokkrum greinum á mótinu í gær sem var það síðasta fyrir val á landsliði Íslands fyrir Evrópubikarkeppni landsliða í Tallinn í Eistlandi um aðra helgi.
meira...

Ásdís kastaði 55,92 metra á fyrsta móti – 8 sm frá Ólympíulágmarki

Ásdís Hjálmsdóttir Ármanni hóf keppnistímabil sitt í dag á sterku alþjóðlegu móti í Cottbus í Þýskalandi.
Ásdís kastaði lengst 55,92 metra og varð í 5. sæti á mótinu, en þetta var hennar fyrsta mót frá árinu 2006,en hún hefur átt við meiðsl að stríða og fór í uppskurð á olnboga sl. haust.
Þessi árangur hennar lofar góðu fyrir framhaldið í sumar, en B-lágmark fyrir Ólympíuleikana er 56,00 metrar, svo Ásdísi vantaði aðeins 8 sm uppá að ná því í kvöld. Annað lengsta kast hennar í kvöld var 55,30 metrar.
 
Íslandsmet Ásdísar frá 28.05.2005 er 57,10 metrar.
 
Úrslit frá mótinu í Cottbus: www.german-meeting.de
 
meira...

66. Vormót ÍR í kvöld kl. 20:00

Í kvöld fer 66. Vormót ÍR fram á Laugardalsvelli og hefst mótið kl. 20:00. 107 keppendur er skráðir í mótið, sem er fyrsta stóra mótið hér heima í sumar. Margt af besta frjálsíþróttafólki mótsins er skráð til leiks í kvöld.
Keppt verður í 12 greinum karla og 10 greinum kvenna og má búast við spennandi keppni í flestum greinum, en þetta er síðasta mótið fyrir val á landsliði Íslands fyrir Evrópubikarkeppni landsliða, sem fram fer í Tallinn 21.-22. júní nk. Fjölmennustu keppnisgreinar mótsins eru 100m hlaup karla (20), 100m kvenna (14), 200m karla (13) og langstökk kvenna (12). Að venju er keppt í Kaldalshlaupinu, 3000m hlaupi karla til minningar um Jón Kaldal stórhlaupara og þar er m.a. Kári Steinn Karlsson, Íslandsmethafi í 5000m og 10.000m hlaupum skáður til leiks.
 
Nánari upplýsingar um 66. Vormót ÍR s.s. tímaseðil og keppendalista eru að finna í mótaforritinu hér á síðunni.
 
meira...

Þrjú met bætt í sveina- og drengjaflokkum

Þrjú met, eitt í sveinaflokki og tvö í drengjaflokki voru bætt í mótum í gær og um helgina.
Örn Davíðsson FH bætti eigið drengjamet í spjótkasti á 5. Coca Cola móti FH í Kaplakrika í gærkvöldi þegar hann kastaði 63,18 metra. Gamla metið hans var 62,99 metrar sett í síðasta mánuði.
Þá bætti Bjarki Gíslason UFA drengjamet Sveins Elíasar Elíassonar í stangarstökki á móti á Laugum um helgina, en hann stökk yfir 4,45 metra, met Sveins var 4,40 metrar frá sl. sumri.
Og að lokum bætti Ásgeir Trausti Einarsson USVH sveinametið í spjótkasti á 9. Innanfélagsmóti ÍR á Laugardalsvelli í gær, samkvæmt óstaðfestum fréttum kastaði Ásgeir Trausti 66,23 metra, en gamla metið átti Bogi Eggertsson FH, sem var 64,40 metrar frá sl. ári (úrslit frá mótinu eru ekki komin inn í mótaforritið ennþá).
 

meira...

Bætingar í Regensburg í gær

Fimm íslenskir frjálsíþróttamenn kepptu á Sparkassen Gala í Regensburg í Þýskalandi í gær.
Mótið var sterkt, en flest besta frjálsíþróttafólk Þýskalands tók þátt í mótinu, auk íþróttamanna frá öðrum löndum.

meira...
1 216 217 218 219 220 231
X
X