Breytingar á keppnisgreinum og mótaskrá

Ath. Tímasetningu á Coca Cola móti 1. ágúst hefur verið breytt. Ný tímsetning er kl. 18:00.
 
400 m grindarhlaupi hefur verið bætt við keppnisgreinar á innanfélagsmóti Breiðabliks á morgun, 31. júlí.
 
Ný dags. er á 2. hluta Akureyrarmóti UFA. Fyrri dags. var 19. en mótið verður 30. ágúst. Sjá nánari upplýsingar á ufa.is
 
Keppt verður í sleggjukasti kvenna á innanfélagsmóti ÍR 7. ágúst, til viðbótar við aðrar greinar sem áður hafa verið tilkynntar.
meira...

Norðurlandsleikar á Sauðárkróki 16. og 17. ágúst nk.

Frjálsíþróttaráð UMSS og Frjálsíþróttadeild Tindastóls bjóða til Norðurlandsleika dagana 16. og 17. ágúst nk.
 
Keppt verður í aldursflokkum 8 ára og yngri, 9-10 ára, 11-12 ára, 13-14 ára og 15 ára og eldri.
 
Keppni hefst kl. 14:00 á laugardegi og stendur til kl. 18:30. Á sunnudegi hefst keppni kl. 11:00 og lýkur um kl. 13:30. Keppni fyrir 12 ára og yngri lýkur á laugardegi, nema að þau vilji keppa "upp fyrir sig" á sunnudegi í grindarhlaupi og 200 m hlaupi.
 
Þátttökugjöld eru kr. 2.000 á keppanda 10 ára og yngri, en kr. 3.000 fyrir 11 ára og eldri.
 
Tímaseðil mótsins má sjá á Mótarforriti FRÍ, en margar greinar eru í boði.
 
Rúmlega klukkustundarhlé verður gert á keppni á laugardegi milli kl. 16:15 og 17:30, en keppni 10 ára og yngri verður þá lokið. Þetta hlé geta keppendur og aðrir notfært sér til að skoða Landbúnaðarsýninguna í Reiðhöllinni, eða taka sér hvíld.
 
Allir 10 ára og yngri þátttakendur fá þátttökupening. Verðlaunapeningur er í boði fyrir 1. – 3. sæti fyrir 11 ára og eldri keppendur.
 
Frítt verður í sund fyrir alla þátttakendur á laugardagskvöldinu frá kl. 19:00.
 
Þessa helgi verður Landbúnaðarsýning í Reiðhöllinni Svaðastöðum og eru allir hvattir til að fara þangað og skoða. Aðgangur alla helgina er kr. 1.000 fyrir 12 ára og eldri.
 
Góð tjaldstæði eru á Sauðárkróki og því tilvalið að tjalda með alla fjölskylduna. Einnig verður hægt að fá svefnpokapláss í skólum. Svefnpokaplássið kostar kr. 1.000 nóttin.
 
Skráningarfrestur er til miðnættis fimmtudaginn 14. ágúst nk.
 
Svo óheppilega vildi til á þingi FRÍ í vor, að Meistaramót Íslands 11-14 ára, var fært á þessa helgi, en var áður sett á helgina 31. ágúst til 1. sept. Þar sem ekki var hægt að færa þetta mót, vegna annarra viðburða, var ákveðið að halda þetta mót á áður ákveðnum dögum, en bjóða upp á keppni í öllum aldurshópum. Við hvetjum að sjálfsögðu alla keppendur 11 til 14 ára að fara á MÍ á Laugum. Þeir sem ekki treysta sér á það mót, er velkomið til okkar!
 
Verið velkomin í Skagafjörðinn
 
f.h. mótshaldara,
 
Gunnar Sigurðsson
 
meira...

Innanfélagsmót Breiðabliks 31. júlí

Breiðablik verður með innanfélagsmót fimmtudaginn 31. júlí nk.
 
Keppnisgreinar verða:
 
100 m hlaup karla og kvenna
 
100 m grindarhlaup kvenna
 
400 m hlaup karla og kvenna
 
Langstökk karla
 
Sleggjukast kvenna
 
Mótið hefst kl. 18:00 og verður haldið á Kópavogsvelli
 
Ábyrgðamaður mótsins er Arnþór Sigurðsson.
meira...

82. Meistaramót Íslands – úrslit seinni keppnisdags

82. Meistaramóti Íslands lauk á Laugardalsvelli nú síðdegis í dag.
Ágætur árangur náðist í mögrum greinum í dag, enda veður gott, um 18° hiti og vindur ekki eins mikill og í gær, þótt hann hafi á köflum verið allmikill og t.d. yfir 4 m/s á móti í 200m hlaupi.
Hlaupagreinar:
meira...

MÍ fyrri dagur, Kristbjörg Helga bætti íslandsmetið og Bergur Ingi setti meistaramótsmet 5

Íslandsmet féll strax í fyrstu keppnisgrein á 82. Meistaramóti Íslands í Laugardal í dag. Kristbjörg Helga Ingvarsdóttir FH tvíbætti íslandsmetið í sleggjukasti kvenna, en hún kastaði fyrst 50,02m og bætti þar með met Söndru Pétursdóttur ÍR um 5 sm. Hún bætti síðan um betur og kastaði 51,86m og bætti þar með eigið met um 1,84 metra. Kristbjörg Helga jafnaði síðan metið í síðustu umferð. Frjálsíþróttasambandið óskar Kristbjörgu Helgu, félagi hennar FH og þjálfara, Eggerti Bogasyni til hamingju með þetta glæsilega íslandsmet í dag. Þetta voru 14. og 15. íslandsmetið sem bætt hafa verið utanhúss á þessu ári, en átta íþróttamenn standa á bakvið þessi met, eða þeir Bergur Ingi Pétursson FH(sleggjukast), Björgvin Víkingsson FH(400m grind), Kári Steinn Karlsson Breiðabliki (5000 og 10.000m) og þær Ásdís Hjálmsdóttir Ármanni (spjótkast), Helga Margrét Þorsteinsdóttir Ármanni (sjöþraut), Íris Anna Skúladóttir Fjölni (3000m hindrun), Sandra Pétursdóttir ÍR (sleggjukast) og Kristbjörg Helga Ingvarsdóttir FH (sleggjukast).
meira...

82. Meistaramót Íslands – Undankeppni í fimm greinum

Verið er að vinna í uppsetningu leikskrár í mótaforritinu, en ljóst er að undankeppni mun fara fram í fimm keppnisgreinum eða 100m hlaupi karla og kvenna, 200m hlaupi karla og kvenna og langstökki kvenna.
Undanrásir í 100m hlaupi kvenna verða kl. 12:00 á laugardaginn (3 riðlar) og kl. 12:20 í 100m hlaupi karla
(4 riðlar). Undankeppni í langstökki kvenna verða kl. 12.30 (20 keppendur).
Á sunnudaginn fara svo fram undanrásir í 200m hlaupi kvenna kl. 12:00 (3 riðlar) og kl. 12:20 í 200m hlaupi karla
(3 riðlar).
 
Hægt er að skoða keppendalista og keppendur í greinum í mótaforritinu hér á síðunni, en ennþá er eftir að raða í riðla og stökk/kaströð og setja endanlegan tímaseðill upp, en það á vera komið inn seinna í dag.
meira...

Falla metin á 82. Meistaramóti Íslands um helgina?

82. Meistaramót Íslands fer fram um helgina á Laugardalsvellinum og mun flest besta frjálsíþróttafólk landsins keppa á mótinu um helgina. Þó er ljóst að ólympíufararnir þær Ásdís Hjálmsdóttir og Þórey Edda Elísdóttir geta ekki keppt, þar sem þær eru að ná sé af meiðslum. Þá er spretthlauparinn Ragnar Frosti Frostason UMSS meiddur og Einar Daði Lárusson ÍR verður ekki með.
meira...

Óðinn Björn kastaði yfir 60m og Aðalheiður 12 sm frá íslandsmeti

Óðinn Björn Þorsteinsson FH bætti sinn besta árangur í kringlukasti í gær, þegar hann kastaði 60,29 metra á 14. Coca Cola móti FH í Kaplakrika. Óðinn átti best 59,11 metra frá því fyrir skömmu. Óðinn er í 6. sæti á "all time" listanum frá upphafi, en hann þarf að bæta sig um 2,81 m til að komast hærra á þeim lista, en í 5. sæti listans er Magnús Aron Hallgrímsson með 63,09 metra. B-lágmarkið fyrir Ólympíuleikana er 62,50 metrar, en í gær var síðasti dagur til að ná lágmarki fyrir Ólympíuleikana í Peking í frjálsum. Það er því ljóst að þrír frjálsíþróttamenn munu keppa á Ólympíuleikunum að þessu sinni eða Ásdís Hjálmsdóttir, Bergur Ingi Pétursson og Þórey Edda Elísdóttir.
 
Annar í kringlukastinu var Örn Davíðsson FH kastaði 45,86 metra, sem er rúmlega einum metra lengra en hann hefur áður kastað. Þriðji varð svo Stefán Ragnar Jónsson Breiðabliki með 44,37 metra, sem er hans besti árangur í ár.
 
Þá var einnig keppt í sleggjukasti kvenna og þar sigraði Aðalheiður María Vigfúsdóttir Breiðabliki, kastaði 49,85 metra, sem er aðeins 12 sm frá íslandsmeti Söndru Pétursdóttur ÍR. Þetta er besti árangur Aðalheiðar, en hún átti íslandsmetið, 49,69 metra áður en Sandra bætti það í sl. mánuði. Þetta er jafnframt annar besti árangur í sleggjukasti kvenna frá upphafi, en Kristbjörg Helga Ingvarsdóttir FH á 49,82 metra og fór Aðalheiður því upp fyrir hana á "all time" listanum með þessu kasti. Kristbjörg Helga kastaði hinsvegar lengst 48,05 metra í gær.
meira...

82. Meistaramót Íslands um helgina – síðasti skráningardagur í dag

Í dag er síðasti dagur til að skrá keppendur í mótaforrit FRÍ hér á síðunni. Lokað verður fyrir skráningar um miðnætti í kvöld. Eftir það er þó möguleiki á eftir á skráningum til kl. 11:00 á föstudaginn gegn þreföldu skráningargjaldi. Allar upplýsingar um Meistaramótið eru að finna undir mótaskrá hér á síðunni.
meira...

Góð þátttaka á 82. Meistaramóti Íslands og allir bestu keppa

Nú er lokið forskráningu á 82. Meistaramót Íslands sem fram fer á Laugardalsvelli um helgina.
Mjög góð þátttaka er á mótinu, en um 180 keppendur frá 15 félögum og samböndum eru skráðir til leiks.
Flestir keppendur eru skráðir frá ÍR eða 51, 41 frá FH og 27 frá Breiðabliki, en þessi þrjú félög eru með langflesta keppendur á mótinu.
 
Allt besta frjálsíþróttafólk landsins er skráð á mótið m.a. Ólympíufararnir þrír þau Ásdís Hjálmsdóttir Ármanni,
Bergur Ingi Pétursson FH og Þórey Edda Elísdóttir FH, en þetta er síðasta stóra mótið sem þau keppa á áður en þau halda til Japans í æfingabúðir fyrir Ólympíuleikana þann 4. ágúst nk.
 
Þeir sjö íþróttamenn sem bætt hafa samtals 13 íslandsmet utanhúss á árinu verða allir með á Meistaramótinu,
en þetta eru:
Karlar:
* Bergur Ingi Pétursson FH, en hann er búinn að bæta metið í sleggjukasti þrívegis á árinu.
* Björgvin Víkingsson FH, en hann bætti metið í 400m grindahlaupi í síðasta mánuði.
* Kári Steinn Karlsson Breiðabli, en hann bætti metin í 5000m og 10.000m í vor.
Konur:
* Ásdís Hjálmsdóttir Ármanni, en hún hefur tvíbætt metið í spjótkasti, nú síðast um sl. helgi.
* Helga Margrét Þorsteinsdóttir Ármanni, en hún bætti metið í sjöþraut í júní.
* Íris Anna Skúladóttir Fjölni, en hún tvíbætti metið í 3000m hindrunarhlaupi í júní.
* Sandra Pétursdóttir ÍR, en hún tvíbætti metið í sleggjukasti kvenna á sama móti í júní.
 
Meistaramót Íslands er fyrst og fremst einstaklingskeppni og verður keppt um Íslandsmeistaratitla í 19 keppnisgreinum karla og 18 keppnisgreinum kvenna á mótinu. Þá er einnig keppt um Íslandsmeistaratitil félagsliða á mótinu, bæði í karla- og kvennaflokki, sem og í heildarstigakeppni beggja kynja.
Keppt verður eftir nýju fyrirkomulagi í stigakeppni um Íslandsmeistaratitil félagsliða, en stigakeppnin fer þannig
fram að fyrstu sex sæti í hverri grein gefa stig m.v. árangur skv. stigatöflu IAAF. Keppendur í efstu sex sætum
þurfa að ná lágmarksárangri eða 600 stigum til að þeir reiknist til stiga í stigakeppninni fyrir sitt félag.
Með þessu móti skiptir ekki bara röð efstu keppenda máli, heldur ekki síður hvaða árangri þeir ná.
 
Fjölmennustu keppnisgreinar karla eru: 100m hl.(31), 200m hl.(21) og 400m hl.(20).
Fjölmennustu kepnnisgreinar kvenna eru: 100m hl. (22), langstökk (18) og 400m hl.(16).
 
Nú þegar skráningu er lokið verður unnið í uppsetningu mótins og á leikskrá að vera tilbúin á morgun.
Aðalhluti mótins hefst kl. 12:00 á laugardaginn og kl. 14:00 á sunnudaginn á Laugardalsvelli.
meira...
1 213 214 215 216 217 233
X
X