Ólympíuárið 2008 hafið!

Silja
Jæja kannski það sé komið að einu bloggi – verður ekki einhver að byrja á þessu bloggi. Hef reynt í smá tíma að blogga en kerfið hefur ekki verið að vinna með mér. Við í Ólympíuhópnum ætlum að skiptast á að skrifa hér, um hvernig okkur gengur að æfa og hvernig undirbúningurinn fyrir Ól gengur. Við stefnum á að skrifa í hverri viku – svo rukkið okkur um það ef það gerist ekki …
meira...

Kári Steinn og Sigrún Fjeldsted með bætingar um helgina

Kári Steinn Karlsson Breiðablik keppti í 1500m hlaupi á Brutus Hamilton Invitational mótinu í Kaliforníu sl. laugardag og hljóp á 3:51,15 mín og varð í 5.sæti af 26 keppendum. Kári Steinn bætti sinn besta árangur um 3,25 sek., en hann átti best 3:54,40 mín fá sl. ári. Þá hljóp Kári Steinn 3000m fyrir hálfum mánuði á 8:18,18 mín, sem er rúmlega 1 sek. frá hans besta tíma í þeirri grein.
 
 
meira...

MÍ 11-14 ára fært til 16.-17. ágúst

Samþykkt var á þingi FRÍ um sl. helgi að breyta dagsetningu á MÍ 11-14 ára, sem fram átti að fara á Laugum 30.-31. ágúst og færa það fram til 16.-17. ágúst. Mótshaldari HSÞ hefur þegar staðfest að þessi breyting geti gengið af þeirra hálfu og fer mótið því fram á Laugum þessa helgi.
 
Eins og fram kom í fyrri frétt frá þinginu var einnig samþykkt að bæta 11 ára aldursflokki inn í mótið, þannig að nú heitir mótið MÍ 11-14 ára og verður keppt í sömu keppnisgreinum í flokki 11 ára stráka og stelpna og í 12 ára flokki stráka og stelpna. Þessi breyting tekur strax gildi, þannig að keppt verður í flokki 11 ára á mótinu í sumar.
meira...

Víðavangshlaup ÍR og Hafnarfjarðar á morgun, sumardaginn fyrsta. 5

Á morgun, sumardaginn fyrsta fara fram tvö hefðbundin víðavangshlaup hér á höfuðborgarsvæðinu.
 
Í Hafnarfirði fer Víðavangshlaup Hafnarfjarðar fram og hefst það kl. 11:00 á Víðistaðatúni og 93. Víðavangshlaup ÍR fer fram við Ráðhús Reykjavíkur og hefst það kl. 12:00.
 
Nánari upplýsingar um hlaupin eru að finna á heimasíðum viðkomandi frjálsíþróttadeilda; www.frjalsar.is (FH) og www.irfrjalsar.com (ÍR) og á www.hlaup.is.
meira...

Kristín Birna með 5235 stig í sjöþraut

Kristín Birna Ólafsdóttir íslandsmethafi í sjöþraut úr ÍR keppti í sinni fyrstu þraut á þessu ári í gær og fyrradag í Bandaríkjunum. Kristín Birna hlaut samtals 5235 stig, sem er 167 stigum frá íslandsmeti hennar í greininni, sem hún setti árið 2006, en það er 5402 stig.
meira...

Bilun í mótaforriti

Eins og greint var frá hér á FRÍ síðunni þá var hafist handa við að flytja mótakerfi FRÍ til annarra hýsingaraðila. Því miður kom upp bilun í server og er unnið að viðgerðum. Því er ekki hægt að skoða úrslit, skrá ný mót eða úrslit úr skólaþríþraut sem stendur. Hraðað verður viðgerð eins og kostur er og serverinn kominn í fullan gang fyrir vikulok.
meira...

Mótaforrit tekið niður í dag.

Mótaforrit FRÍ verður tekið niður í dag vegna flutninga og má búast við því að ekki verði hægt að fara inn á það fyrr en á morgun. Reikna má með því að flutningurinn geti tekið allt að tvo sólahringa.
 
 
meira...

MÍ 12-14 ára – leiðrétting vegna fréttar í gær

Í frétt hér á síðunni í gær um MÍ 12-14 ára voru nokkar villur, sem hafa verið leiðréttar núna.
M.a. var stigakeppni milli félaga ekki rétt í mótaforritinu þegar fréttin var skrifuð, þar sem stig fyrir boðhlaupin voru ekki komin inn. Rétt er að ÍR sigraði heildarstigakeppnina með 635 stigum, lið Breiðabliks varð í öðru sæti með 168,5 stig og lið HSK varð í þriðja sæti með 154,5 stig. FH varð í fjórða sæti með 151,5 stig, UMSE í fimmta sæti með 105,5 stig og USÚ í sjötta sæti með 105 stig.
meira...
1 208 209 210 211 212 219
X