Cabin og FRÍ halda samstarfi áfram

Í gær var undirritaður samstarfsamningur Hótel Cabin og Frjálsíþróttasambands Íslands fyrir árin 2018 og 2019. Samningurinn gildir einnig fyrir Hótel Klett og Hótel Örk undir nafninu Cabin.

Samstarf Cabin og FRÍ er farsælt og því full ástæða til að halda því áfram segir Geir Gígja Sölu- og Markaðsstjóri Cabin.

Fyrir FRÍ er þetta mikil búbót og gaman að geta haldið góðu samstarfi áfram segir Guðmundur Karlsson framkvæmdastjóri FRÍ en framundan eru m.a. Norðurlandamót 2018 og 2019 og RIG 2019 og því töluverð gistiþörf sem þarf að dekka.

Hótel Cabin býður upp á alla þá aðstöðu sem nútímaferðalangurinn væntir og þarfnast. Meginstefna Hótel Cabin er að bjóða gestum upp á þægilega gistingu á hagkvæmu verði.
Hótelið er vel staðsett miðsvæðis í Reykjavík aðeins um 600 metra fjarlægð frá Laugardalnum. Á hótelinu eru 249 herbergi, salatbar, morgunverðarsalur, tour desk verslun, bar og glæsilegur fundarsalur á 7. hæð.

Á myndinni eru Geir Gígja og Guðmundur að undirrita nýjan samning.