Ásdís og Bergur Ingi keppa á Vetrarkastmóti Evrópu

Ásdís Hjálmsdóttir Ármanni og Bergur Ingi Pétursson FH hafa verið valin til að keppa á 9. Vetrarkastmóti Evrópu, sem fram fer á Los Realejos á Tenerife, 14.-15. mars nk.
Bergur Ingi keppti á 8. Vetrarkastmótinu í Split á sl. ári og varð hann þá í 9. sæti af 20 keppendum og bætti eigið íslandsmet úr 70,52m í 73,00 metra. Bergur Ingi bætti síðan íslandsmetið aftur á móti í Kaplakrika 25. maí í 74,48 metra. Ásdís hefur ekki keppt áður á Vetrarkastmótinu, en hún bætti eigið íslandsmet í spjótkasti úr 57,10m í 59,80 metra á síðasta ári. Þeim árangri náði Ásdís á móti í Lapinlahti í Finnlandi 20. júlí.
 
Bæði sleggjukast karla og spjótkast kvenna fer fram á seinni degi mótins, sunnudaginn 15. mars nk.
Þjálfarar í ferðinni verða Eggert Bogason, þjálfari Bergs Inga og Stefán Jóhannsson, þjálfari Ásdísar.
 
Nánari upplýsingar um Vetrarkastmótið eru að finna hér

FRÍ Author