Aníta komin í undanúrslit en Guðni Valur hefur lokið keppni

Aníta Hinriks­dótt­ir er kom­in áfram í undanúr­slit í 800 metra hlaupi á Evr­ópu­mót­inu í Berlín. Hún hljóp á 2:02,15 mín­út­um og hafnaði í fimmta sæti í sín­um riðli og var hún var með ellefta besta tíma allra í und­an­rás­un­um.

Þrír efstu í hverj­um riðli fóru áfram í undanúr­slit, ásamt þeim þrem­ur með besta tím­ann utan þriggja efstu sæta hvers riðils. Alls 20 hlauparar fara því í undanúrslit.

Undanúr­slit­in fara fram annað kvöld og úr­slita­hlaupið verður á föstu­dag­inn.

Guðni Valur Guðnason komst ekki í úr­slit í kringlukastinu. Hann kastaði lengst 61,36 metra, best á hann 65,53 metra sem hann kastaði fyrr í sumar.

Guðni var 83 senti­metr­um frá þeim síðasta inn í úr­slit­in. Guðni gerði ógilt í fyrsta kasti, kastaði 61,36 metra í öðru kast­inu og 57,39 metra í síðasta kast­inu.

Sindri Hrafn Guðmundsson hefur keppni í spjótkasti á morgun og Ásdís Hjálmsdóttir á fimmtudaginn.