49. Bikarkeppni FRÍ um helgina

Á síðasta ári sigraði lið ÍR bæði kvenna- og karlakeppnina og síðan sameiginlegu keppnina líka. FH varð í öðru sæti, 8,5 stigi á eftir ÍR. Mjótt var á munum í kvennakeppninni í fyrra og í karlakeppninni líka, svo ljóst er að ekkert verður gefið eftir í að þessu sinni heldur. 
 
Búast má við mikilli keppni í einstökum greinum, enda skipta sætin máli þegar upp verður staðið. Meðal keppenda verða allir keppendur sem nýkomnir eru af HM 19 ára og yngri, Jóhann Björn Sigurbjörnsson, Aníta Hinriksdóttir, Kolbeinn Höður Gunnarsson, Sindri Hrafn Guðmundsson og Hilmar Örn Jónsson. Til viðbótar Anítu eru aðrir EM farar skráðir til leiks, þau Hafdís Sigurðardóttir og Guðmundur Sverrisson. Ásdís Hjálmsdóttir er búsett í Sviss og Kári Steinn er að búa sig fyrir keppni í maraþonhlaupi
 
Keppni hefst kl. 18 á morgun, föstudag og kl. 11 á laugardag. Keppni lýkur á laugardag um kl.14:40 á má búast við að nýjir bikarmeistarar verði krýndir strax í kjölfarið.
 
Hægt er að fylgjast með úrslitum og sjá aðrar upplýsingar á mótaforriti FRÍ.
Share on FacebookShare on Google+Tweet about this on TwitterShare on LinkedIn

FRÍ Author